Telangana | భారత్ ఫ్యూచర్ సిటీ అభివృద్ధికి తెలంగాణతో కలిసి పనిచేస్తాం : యూఏఈ

Telangana | త్రినేత్ర.న్యూస్ : భారత్ ఫ్యూచర్ సిటీని ప్రపంచ స్థాయి నగరంగా అభివృద్ధి చేసేందుకు తెలంగాణతో కలిసి పనిచేయడానికి యూఏఈ ప్రభుత్వం సిద్ధంగా ఉందని యూఏఈ ఆర్థిక, పర్యాటక శాఖ మంత్రి హెచ్ఈ అబ్దుల్లా బిన్ తౌక్ అల్ మార్రీ తెలిపారు. ప్రపంచ ఆర్థిక వేదిక 2026 సదస్సులో భాగంగా దావోస్లో తెలంగాణ సీఎం రేవంత్ రెడ్డితో యూఏఈ మంత్రి మంగళవారం భేటీ అయ్యారు. ‘తెలంగాణ రైజింగ్’ ప్రతినిధి బృందంతో కలిసి రాష్ట్రంలో చేపట్టే భారీ మౌలిక సదుపాయాల ప్రాజెక్టులు, ముఖ్యంగా భారత్ ఫ్యూచర్ సిటీపై చర్చించారు. ఈ సందర్భంగా సీఎం రేవంత్ రెడ్డి ‘తెలంగాణ రైజింగ్ 2047’ విజన్ ను వివరించారు. 2047 నాటికి తెలంగాణను 3 ట్రిలియన్ డాలర్ల ఆర్థిక వ్యవస్థగా తీర్చిదిద్దడమే లక్ష్యమని చెప్పారు. భారత్ ఫ్యూచర్ సిటీ ప్రాజెక్ట్ అభివృద్ధి అవకాశాలపై సీఎం ప్రత్యేకంగా దృష్టి సారించారు. ఇది దేశంలోనే తొలి నెట్-జీరో గ్రీన్ఫీల్డ్ స్మార్ట్ సిటీగా రూపుదిద్దుకోనుందని తెలిపారు. సుమారు 30 వేల ఎకరాల్లో విస్తరించే ఈ నగరంలో ఏఐ, విద్య, ఆరోగ్యం, పరిశ్రమలు, నివాస, వినోద రంగాలకు ప్రత్యేక జోన్లు ఏర్పాటు చేయనున్నట్లు వివరించారు. ఈ ప్రాజెక్ట్ లో ఇప్పటికే మారుబేని, సెమ్ కార్ప్ వంటి అంతర్జాతీయ సంస్థలు భాగస్వాములుగా ఉన్నాయని, ఇటీవలే రిలయన్స్ గ్రూప్ వంతారాతో ఫ్యూచర్ సిటీలో కొత్త జూ ఏర్పాటు కోసం అవగాహన ఒప్పందం కుదిరిందని సీఎం వెల్లడించారు. తెలంగాణతో వ్యూహాత్మక భాగస్వామ్యం ఏర్పాటుకు తమ ప్రభుత్వం ఆసక్తిగా ఉందని అబ్దుల్లా బిన్ తౌక్ అల్ మార్రీ తెలిపారు. ప్రాజెక్ట్ వేగవంతమయ్యేందుకు రెండు ప్రభుత్వాల అధికారులతో సంయుక్త టాస్క్ ఫోర్స్ ఏర్పాటు చేయాలని సూచించారు. యూఏఈ ఫుడ్ క్లస్టర్తో తెలంగాణ కలిసి పనిచేసి గ్రామీణ, వ్యవసాయ ఆధారిత ఆర్థిక వ్యవస్థను బలోపేతం చేయాలన్న ఆకాంక్షను వ్యక్తం చేశారు. ఈ సమావేశంలో తెలంగాణ తరఫున ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు, రెవెన్యూ మంత్రి పొంగులేటి శ్రీనివాస్ రెడ్డి తదితర అధికారులు పాల్గొన్నారు.

Telangana | భారత్ ఫ్యూచర్ సిటీ అభివృద్ధికి తెలంగాణతో కలిసి పనిచేస్తాం : యూఏఈ

FOLLOW US

ట్యాగ్స్:

సంబంధిత వార్తలు

Urban Forest | తెలంగాణ‌లో కొత్త‌గా ఆరు అర్బ‌న్ ఫారెస్ట్‌లు.. న‌గ‌ర్ వ‌న్ యోజ‌న్‌లో రూ.8.26కోట్లు

Komatireddy Venkat Reddy | కోటి మంది మ‌హిళ‌ల‌ను కోటీశ్వ‌రుల‌ను చేసేందుకే వ‌డ్డీ లేని రుణాలు : మంత్రి కోమ‌టిరెడ్డి

Harish Rao | అడిగిందే అడుగుడు.. గంట‌కు అర‌గంట‌కు ఫోన్లు : హ‌రీశ్‌రావు

తాజావార్తలు

పాపులర్

Kukatpally Murder Case | భర్తను గొంతు నులిమి చంపిన భార్య.. ఆత్మహత్యగా చిత్రీకరించి చివరకు దొరికిపోయింది

Pavithra Gowda | ద‌ర్శ‌న్ ప్రియురాలు ప‌విత్ర గౌడ‌కు హైకోర్టులో ఎదురుదెబ్బ‌..!

Dog Bite Cases Telangana | తెలంగాణలో ఐదేళ్లలో 14.88 లక్షల మందిపై కుక్కల దాడి: ఆర్టీఐ నివేదికలో సంచలన నిజాలు

Professor Manohar Suspension | ఓయూ అధికారుల తాట తీస్తా.. ఖబడ్దార్ : వీసీ, రిజిస్ట్రార్లపై ఎమ్మెల్సీ తీన్మార్ మల్లన్న గర్జన

Urban Forest | తెలంగాణ‌లో కొత్త‌గా ఆరు అర్బ‌న్ ఫారెస్ట్‌లు.. న‌గ‌ర్ వ‌న్ యోజ‌న్‌లో రూ.8.26కోట్లు

POPULAR LINKS