Hyderabad | పాపం పసివాడు..కర్రుకాల్చి వాత పెట్టింది

Hyderabad | హైదరాబాద్ : ఓ ట్యూషన్ టీచర్( Tuition Teacher ) దారుణానికి పాల్పడింది. ఏడేళ్ల బాలుడు సరిగా చదవడం లేదని చెప్పి ఆ పిల్లాడికి వేడి స్పూన్( Hot Spoon )తో వాతలు పెట్టింది. ఈ ఘటన హైదరాబాద్( Hyderabad ) నగరంలోని ఫిల్మ్ నగర్( Film Nagar )లో వెలుగు చూసింది. వివరాల్లోకి వెళ్తే.. ఓయూ కాలనీ( OU Colony )కి చెందిన ఏడేళ్ల బాలుడు స్థానికంగా ఉన్న ఓ పాఠశాలలో ఒకటో తరగతి చదువుతున్నాడు. ప్రతి రోజు తమ ఇంటికి సమీపంలోని శ్రీ మానస అనే టీచర్ వద్దకు బాలుడు ట్యూషన్కు వెళ్తున్నాడు. బుధవారం కూడా రోజు మాదిరిగానే ట్యూషన్కు వెళ్లాడు. అయితే అతను సరిగా చదవడం లేదని చెప్పి.. టీచర్ దారుణానికి పాల్పడింది. వేడి వేడి స్పూన్తో కాళ్లకు, చేతులకు, ముఖంపై వాతలు పెట్టింది. ఆ వాతలు తీవ్ర గాయాలుగా మారాయి. దీంతో బాలుడి నడవలేని పరిస్థితి ఏర్పడింది. చివరకు బాధితుడి తల్లిదండ్రులు ఫిల్మ్ నగర్ పోలీసులకు ఫిర్యాదు చేశారు. తీవ్ర గాయాలతో బాధపడుతున్న బాలుడిని చికిత్స నిమిత్తం గోల్కొండ ఏరియా ఆస్పత్రికి తరలించారు. టీచర్ మానసపై పోలీసులు కేసు నమోదు చేసి దర్యాప్తు చేపట్టారు. విచారణ అనంతరం టీచర్పై చట్టరీత్యా చర్యలు తీసుకుంటామని పోలీసులు పేర్కొన్నారు.