Little Child Dead | అయ్యే పాపం.. బంగారం షాప్‌లో సైనైడ్ తిని చిన్నారి మృతి

• చికిత్స పొందుతూ మృతి.. ఆల‌స్యంగా వెలుగులోకి

Little Child Dead |  త్రినేత్ర న్యూస్: త‌న రెండేళ్ల చిన్నారిని చంక‌నేసుకొని బంగారం కొందామ‌ని ఆ మ‌హిళ జ్యువెళ్ల‌రి షాప్‌కు వెళ్లింది. వెళ్తూ వెళ్తూ చిన్నారితో ముద్దు మురిపెం ఒలికిస్తూ దుకాణంలోకి అడుగు పెట్టింది. త‌న పేగు బంధానికి అదే చివ‌రి రోజ‌వుతుంద‌ని ఊహించ‌లేక‌పోయింది. పొర‌పాటున‌ సైనైడ్ తిన్న‌ ఆ చిన్నారి ప్రాణాలు కోల్పోయింది. జీడిమెట్ల ఠాణా ప‌రిధి చింత‌ల్‌లో ఈనెల 7న జ‌రిగిన‌ ఈ హృద‌య విదార‌క ఘ‌ట‌న ఆల‌స్యంగా వెలుగులోకి వ‌చ్చింది.

వివ‌రాలిలా ఉన్నాయి. హైద‌రాబాద్ చింతల్‌కు చెందిన ఓ మ‌హిళ బంగారం కొందామ‌ని విష్ణు జ్యువెళ్ల‌రి షాప్‌కు వెళ్లింది. ఆమె బంగారం ఎంపిక‌లో నిమ‌గ్న‌మైంది. దీంతో చిన్నారి ఏం చేస్తుంద‌నేది గ‌మ‌నించ‌లేదు. ఇంత‌లో అక్క‌డే టేబుల్‌పై ఉన్న సైనైడ్ (బంగారం మెరుగుపెట్ట‌డానికి ఉప‌యోగించేది) తీసుకొన్న ఆ చిన్నారి దాన్ని తినేసింది. దీంతో అపస్మారక స్థితిలోకి వెళ్ల‌డంతో చిన్నారిని సమీప ఆసుపత్రికి తరలించగా.. చికిత్స పొందుతూ శ‌నివారం ప్రాణాలు కోల్పోయింది. తమకు న్యాయం చేయాలంటూ బంగారం దుకాణం ఎదుట బంధువులు ఆందోళన చేపట్టారు. త‌మ‌కు న్యాయం చేయాలంటూ స‌ద‌రు జ్యువెల్లరీ ఎదుట బంధువులు ఆందోళనకు దిగారు. ఈ ఘ‌ట‌న‌కు సంబంధించి పూర్తి వివ‌రాలు తెలియాల్సి ఉంది.