PMJ Jewellers | క‌రీంన‌గ‌ర్ పీఎంజే జ్యువెల‌రీ షాపులో చోరీ.. సీసీటీవీ ఫుటేజీ విడుద‌ల‌

PMJ Jewellers | త్రినేత్ర‌.న్యూస్ : క‌రీంన‌గ‌ర్ జిల్లా కేంద్రంలోని పీఎంజే జ్యువెల‌రీ షాపులో ఆదివారం ఉద‌యం దోపిడీ దొంగ‌లు చోరీకి పాల్ప‌డిన సంగ‌తి తెలిసిందే. ఐదుగురు దుండ‌గులు షాపులోకి ప్ర‌వేశించి.. తుపాకుల‌తో బెదిరించి, అందిన‌కాడికి దోచుకున్నారు. న‌గల దుకాణంలో ఉన్న ప్ర‌తి ఒక్క‌రిని ఒక చోట‌కు చేర్చి.. దోపిడీకి పాల్ప‌డ్డారు. అంత‌టితో ఆగ‌కుండా సిబ్బందిపై కాల్పులు జ‌ర‌ప‌డంతో ముగ్గురికి తీవ్ర గాయాల‌య్యాయి. వారిని ఆస్ప‌త్రికి త‌ర‌లించి చికిత్స అందిస్తున్నారు. దోపిడీ అనంత‌రం ఐదుగురు దొంగ‌లు బ‌య‌ట‌కు వ‌చ్చి రోడ్డుపై ప‌రుగెత్తారు. చోరీకి పాల్ప‌డిన దృశ్యాలు, దోపిడీ అనంత‌రం రోడ్డుపై ప‌రుగెత్తిన‌ దృశ్యాలు అక్క‌డున్న సీసీటీవీ కెమెరాల్లో రికార్డు అయ్యాయి. ఈ దృశ్యాల‌ను పోలీసులు విడుద‌ల చేశారు. దొంగ‌ల ఆచూకీ కోసం పోలీసులు గాలిస్తున్నారు.

సీసీటీవీ ఫుటేజ్.. కరీంనగర్‌లో పట్టపగలే దొంగల బీభత్సం

జ్యోతినగర్‌లోని PMJ జ్యువెలరీ షాపులో తుపాకీలతో లోపలికి చొరబడి సిబ్బందిపై కాల్పులు జరిపి, భారీగా బంగారు ఆభరణాలను దోచుకున్న ఐదుగురు దుండగులు

క్షతగాత్రులను ఆసుపత్రికి తరలింపు.. పలువురి పరిస్థితి విషమంగా ఉన్నట్లు సమాచారం

ఘటనా… https://t.co/ybWwuBUXjy pic.twitter.com/gvv1TgLYh5

— Telugu Scribe (@TeluguScribe) May 3, 2026