TG Weather | తెలంగాణ‌లో మూడురోజులు వ‌ర్షాలు.. హెచ్చ‌రించిన వాతావ‌ర‌ణశాఖ‌..

TG Weather | తెలంగాణ‌లో మూడురోజులు తేలిక‌పాటి నుంచి మోస్త‌రు వ‌ర్షాలు కురిసే అవ‌కాశం ఉంద‌ని హైద‌రాబాద్ వాతావ‌ర‌ణ కేంద్రం హెచ్చ‌రించింది. అలాగే, రెండురోజుల పాటు గ‌రిష్ట ఉష్ణోగ్ర‌త‌ల్లో పెద్ద‌గా మార్పులుండ‌వ‌ని తెలిపింది. శుక్ర‌వారం ఆదిలాబాద్‌, కుమ్రంభీం ఆసిఫాబాద్‌, మంచిర్యాల‌, పెద్ద‌ప‌ల్లి, జ‌య‌శంక‌ర్ భూపాల‌ప‌ల్లి, ములుగు, భ‌ద్రాద్రి కొత్త‌గూడెం, ఖ‌మ్మం, మ‌హ‌బూబాబాద్‌, వ‌రంగ‌ల్‌, హ‌నుమ‌కొండ‌, రంగారెడ్డి, వికారాబాద్‌, సంగారెడ్డి, మ‌హ‌బూబ్‌న‌గ‌ర్ జిల్లాల్లో అక్క‌డ‌క్క‌డ వ‌ర్షాలు కురిసే అవ‌కాశాలున్నాయ‌ని తెలిపింది.

శ‌నివారం ప‌లుచోట్ల ఉరుములు, మెరుపులు, గంట‌కు 30 నుంచి 40 కిలోమీట‌ర్ల వేగంతో ఈదురుగాలులతో కూడిన వ‌ర్షాలు కురిసే అవ‌కాశం ఉంద‌ని వెల్ల‌డించింది. ఆదిలాబాద్‌, కుమ్రంభీం ఆసిఫాబాద్‌, మంచిర్యాల‌, నిర్మ‌ల్‌, నిజామాబాద్‌, జ‌గిత్యాల‌, రాజ‌న్న సిరిసిల్ల‌, క‌రీంన‌గ‌ర్‌, పెద్ద‌ప‌ల్లి, జ‌య‌శంక‌ర్ భూపాల‌ప‌ల్లి, వికారాబాద్‌, సంగారెడ్డి, మెద‌క్‌, కామారెడ్డి, మ‌హ‌బూబ్‌న‌గ‌ర్ జిల్లాల్లో వ‌ర్షాలు ప‌డే అవ‌కాశాలున్నాయ‌ని తెలిపింది. ఆదివారం రంగారెడ్డి, హైద‌రాబాద్‌, మేడ్చ‌ల్ మ‌ల్కాజ్‌గిరి, వికారాబాద్‌, మ‌హ‌బూబాబాద్‌, నాగ‌ర్ క‌ర్నూల్ జిల్లాల్లో అక్క‌డ‌క్క‌డ వ‌ర్షాలు ప‌డే అవ‌కాశాలున్నాయ‌ని వివ‌రించింది. ఈ మేర‌కు ఆయా జిల్లాల‌కు వాతావ‌ర‌ణ‌శాఖ ఎల్లో అలెర్ట్‌ను జారీ చేసింది. సోమ‌వారం నుంచి రాష్ట్ర‌వ్యాప్తంగా పొడి వాతావ‌ర‌ణం ఏర్ప‌డుతుంద‌ని తెలిపింది.