TG Weather | తెలంగాణ‌లో భారీ వ‌ర్షాలు.. హెచ్చ‌రించిన వాతావ‌ర‌ణ‌శాఖ‌..

TG Weather | తెలంగాణ‌లో ఎండ‌లు మండుతున్నాయి. ఉద‌యం నుంచే భానుడు ప్ర‌తాపం చూపిస్తుండ‌డంతో బ‌య‌ట‌కు వెళ్లేందుకు జంకుతున్నారు. ఈ క్ర‌మంలో వాతావ‌ర‌ణ‌శాఖ తీపిక‌బురు చెప్పింది. వారం రోజులు పాటు భారీ వ‌ర్షాలు కురిసే అవ‌కాశం ఉంద‌ని తెలిపింది. రాగ‌ల రెండురోజుల్లో గ‌రిష్ట ఉష్ణోగ్ర‌త‌ల్లో ఎలాంటి మార్పు ఉండ‌ద‌ని, ఆ త‌ర్వాత రెండు నుంచి మూడు డిగ్రీలు క్ర‌మంగా త‌గ్గుతాయ‌ని పేర్కొంది. ఆదివారం కుమ్రంభీం ఆసిఫాబాద్‌, మంచిర్యాల‌, భూపాల‌ప‌ల్లి, ములుగు, కొత్త‌గూడెం, ఖ‌మ్మం, న‌ల్గొండ‌, సూర్యాపేట‌, మ‌హ‌బూబాబాద్ జిల్లాలో ఉరుములు, మెరుపుల‌తో కూడిన వ‌ర్షాలు ప‌డే సూచ‌న‌లున్నాయ‌ని తెలిపింది.

సోమ‌వారం గంట‌కు 30 నుంచి 40 మీట‌ర్ల వేగంతో గాలులు వీస్తూ భూపాల‌ప‌ల్లి, ములుగు, కొత్త‌గూడెం, ఖ‌మ్మం, న‌ల్గొండ‌, సూర్యాపేట‌, మ‌హ‌బూబాబాద్‌, వ‌రంగ‌ల్‌, హ‌న్మ‌కొండ, జ‌న‌గాం, సిద్దిపేట‌, భువ‌న‌గిరి, రంగారెడ్డి, హైద‌రాబాద్‌, మేడ్చ‌ల్ మ‌ల్కాజ్‌గిరి, వికారాబాద్‌, సంగారెడ్డి, మెద‌క్‌, నాగ‌ర్ క‌ర్నూల్ జిల్లాలో వ‌ర్షాలు ప‌డుతాయ‌ని అంచ‌నా వేసింది. మంగ‌ళ‌వారం భూపాల‌ప‌ల్లి, ములుగు, వ‌రంగ‌ల్‌, హ‌న్మ‌కొండ‌లో భారీ వ‌ర్షాలు కురుస్తాయ‌ని, ఉరుములు, మెరుపులు, గంట‌కు 40 నుంచి 50 కిలోమీట‌ర్ల వేగంతో ఈదురుగాలులు వీస్తాయ‌ని పేర్కొంది. అలాగే, ఆసిఫాబాద్‌, మంచిర్యాల‌, రాజ‌న్న సిరిసిల్ల‌, క‌రీంన‌గ‌ర్‌, పెద్ద‌ప‌ల్లి, కొత్త‌గూడెం, ఖ‌మ్మం, న‌ల్గొండ‌, సూర్యాపేట‌, మ‌హ‌బూబాబాద్‌, జ‌న‌గాం, సిద్దిపేట‌, భువ‌న‌గిరి, రంగారెడ్డి, హైద‌రాబాద్‌, మేడ్చ‌ల్ మ‌ల్కాజ్‌గిరి, వికారాబాద్‌, సంగారెడ్డి, మ‌హ‌బూబ్‌న‌గ‌ర్‌, నాగ‌ర్ క‌ర్నూల్‌, వ‌న‌ప‌ర్తి, నారాయ‌ణ‌పేట‌, జోగులాంబ గ‌ద్వాల జిల్లాల్లో వ‌ర్షాలు కురుస్తాయ‌ని తెలిపింది.

అలాగే, బుధ‌వారం పెద్ద‌ప‌ల్లి, భూపాల‌ప‌ల్లి, ములుగు, మ‌హ‌బూబాబాద్‌, వ‌రంగ‌ల్‌, హ‌న్మ‌కొండ జిల్లాల్లో భారీ వ‌ర్షాలు ప‌డే అవ‌కాశం ఉంద‌ని తెలిపింది. అలాగే, ఉమ్మ‌డి ఆదిలాబాద్‌తో పాటు నిజామాబాద్‌, జ‌గిత్యాల‌, రాజ‌న్న సిరిసిల్ల‌, క‌రీంన‌గ‌ర్‌, ఖ‌మ్మం, న‌ల్గొండ‌, సూర్యాపేట‌, జ‌న‌గాం, సిద్దిపేట‌, యాదాద్రి భువ‌న‌గిరి, రంగారెడ్డి, హైద‌రాబాద్‌, మేడ్చ‌ల్‌, వికారాబాద్‌, సంగారెడ్డి, మెద‌క్‌, వికారాబాద్‌, మ‌హ‌బూబ్‌న‌గ‌ర్ జిల్లాల్లో అక్క‌డ‌క్క‌డ మోస్తరు వ‌ర్షాలు ప‌డే సూచ‌న‌లున్నాయ‌ని పేర్కొంది. అలాగే, గురువారం నుంచి శ‌నివారం వ‌ర‌కు ప‌లుచోట్ల భారీ ఈదురుగాలులు, ఉరుములు, మెరుపుల‌తో కూడిన వాన‌లు కొన‌సాగుతాయ‌ని వివ‌రించింది. ఈ మేర‌కు ఆయా జిల్లాల‌కు వాతావ‌ర‌ణ‌శాఖ ఎల్లో అలెర్ట్‌ను జారీ చేసింది.