Anshul Kuncha | అమెరికాలో తెలంగాణ యువకుడి దారుణ హత్య..

Anshul Kuncha | ఉన్న‌త చ‌దువుల నిమిత్తం అమెరికాకు వెళ్లిన తెలంగాణ (Telangana) యువ‌కుడు దార‌ణ‌హ‌త్య‌కు గుర‌య్యాడు. మేడ్చ‌ల్ జిల్లా గుండ్ల‌పోచంప‌ల్లికి చెందిన కుంచ అన్షుల్ (Anshul Kuncha) ఉన్న‌త చ‌దువుల కోసం న్యూయార్క్ వెళ్లారు. అక్క‌డ చ‌దువుకుంటూనే పిజ్జా డెలివ‌రీ బాయ్‌గా ప‌నిచేస్తున్నారు. ఎప్ప‌టిలాగే విధుల్లో భాగంగా రాత్రి 12.30 గంట‌ల స‌మ‌యంలో నార్త్ ఫిల‌డెల్ఫియాలో పీజ్జా డెలివ‌రీ చేస్తున్నారు.

ఈ క్ర‌మంలో దుండ‌గులు అత‌నిపై తుపాకీతో కాల్పులు జ‌రిపారు. దీంతో తీవ్రంగా గాయ‌ప‌డిన అన్షుల్ (28) అక్క‌డిక‌క్క‌డే మృతిచెందారు. అన్షుల్ మ‌ర‌ణ‌వార్త విన్న అత‌ని త‌ల్లిదండ్రులు క‌న్నీరుమున్నీర‌వుతున్నారు. త‌మ కుమారుడి మృత‌దేహాన్ని వీలైనంత త్వ‌రగా స్వ‌దేశానికి ర‌ప్పించేలా ప్ర‌భుత్వం చొర‌వ తీసుకోవాల‌ని కోరుతున్నారు.