Strong surface winds | జూలై 11 వ‌ర‌కు బ‌ల‌మైన గాలులు.. బీ కేర్‌ఫుల్..!

Strong surface winds | త్రినేత్ర‌.న్యూస్ : రాష్ట్ర వ్యాప్తంగా భారీ వ‌ర్షాలు కురియ‌న‌ప్ప‌టికీ ప‌లు ప్రాంతాల్లో తేలిక‌పాటి నుంచి మోస్త‌రు వ‌ర్షాలు కురుస్తున్నాయి. దీంతో ఉక్క‌పోత నుంచి ప్ర‌జ‌ల‌కు ఉప‌శ‌మ‌నం క‌లిగింది. దీంతో పాటు రైతులు కూడా త‌మ వ్య‌వ‌సాయ ప‌నుల‌కు శ్రీకారం చుడుతున్నారు. నీటి వినియోగం త‌క్కువ‌గా ఉన్న పంట‌ల‌ను వేసేందుకు రైతులు త‌మ భూముల‌ను సిద్ధం చేసుకుంటున్నారు.

అయితే రాబోయే 48 గంట‌ల్లో ఆదిలాబాద్, ఆసిఫాబాద్, మంచిర్యాల‌, నిర్మ‌ల్, పెద్ద‌ప‌ల్లి, జ‌య‌శంక‌ర్ భూపాల‌ప‌ల్లి జిల్లాలో తేలికపాటి నుంచి మోస్త‌రు వ‌ర్షాలు కురిసే అవ‌కాశం ఉంద‌ని హైద‌రాబాద్ వాతావ‌ర‌ణ కేంద్రం హెచ్చ‌రించింది. ఇక రాష్ట్ర వ్యాప్తంగా ప‌లు జిల్లాల్లో జూలై 11 వ‌ర‌కు బ‌ల‌మైన గాలులు వీచే అవ‌కాశం ఉంద‌ని జాగ్ర‌త్త‌గా ఉండాల‌ని హెచ్చ‌రించింది. 50 నుంచి 60 కిలోమీట‌ర్ల వేగంతో బ‌ల‌మైన ఈదురుగాలులు వీస్తాయ‌ని తెలిపింది. ఈ క్ర‌మంలో ప్ర‌జ‌లు అప్ర‌మ‌త్తంగా ఉండాల‌న్నారు.

ఇక సోమ‌వారం రోజంతా హైద‌రాబాద్ న‌గ‌రంతో పాటు రాష్ట్రంలోని ప‌లు జిల్లాల్లో ఆకాశం మేఘావృత‌మై చ‌ల్ల‌ని గాలులు వీచాయి. అక్క‌డ‌క్క‌డ చిరుజ‌ల్లులు కురియ‌డంతో స్థానికులు వాతావ‌ర‌ణాన్ని ఎంజాయ్ చేశారు. చాలా రోజుల త‌ర్వాత రోజంతా చ‌ల్ల‌ద‌నం ఉండ‌డంతో వానాకాలం అనుభూతిని పొందారు.