Tirumala | తిరుమ‌ల‌లో క‌ల‌క‌లం.. ద‌ర్శ‌నం క్యూలైన్‌లో భూపాల‌ప‌ల్లి యువ‌తికి పాము కాటు

Tirumala | త్రినేత్ర‌.న్యూస్‌: తిరుమలలో (Tirumala) పాము క‌ల‌క‌లం సృష్టించింది. ద‌ర్శ‌నం కోసం క్యూలైన్‌లో నిల్చున్న ఓ యువ‌తిని పాము కాటు (Snake bite) వేసింది. దీంతో ఆమెను హుటాహుటిన ద‌వాఖాన‌కు తరలించారు.

భూపాల‌ప‌ల్లి (Bhupalapally) జిల్లాకు చెందిన మౌనిక (27) అనే భ‌క్తురాలు తిరుమ‌ల శ్రీవారి ద‌ర్శ‌నానికి వెళ్లింది. ఈ క్ర‌మంలో రూ.300 టికెట్‌ క్యూలైన్‌లో వేచి ఉన్న‌ది. లైనులో ఉండ‌గా పాము కాటు వేసింది. దీంతో టీటీడీ సిబ్బంది ఆమెను అశ్విని దవాఖాన‌కు త‌ర‌లించారు. అక్క‌డ ప్రాథ‌మిక చికిత్స అందించిన త‌ర్వాత‌, మెరుగైన వైద్య సేవ‌ల కోసం తిరుప‌తిలోని స్విమ్స్ హాస్పిట‌ల్‌కు తరలించారు. ప్రస్తుతం మౌనిక‌ ఆరోగ్యం నిలకడగా ఉన్నట్టు వైద్యులు వెల్ల‌డించారు. ఐసీయూలో అబ్జ‌ర్వేష‌న్‌లో ఉన్న‌ద‌ని తెలిపారు. ఈ ఘటనపై మరింత సమాచారం తెలియాల్సి ఉంది.