Phone Tapping | లీకుల వీరుడు రేవంత్‌… జ‌గ‌దీశ్‌రెడ్డి సంచ‌ల‌న వ్యాఖ్య‌లు

Phone Tapping | త్రినేత్ర‌.న్యూస్: ముఖ్య‌మంత్రి రేవంత్‌రెడ్డి (Revanth Reddy) లీకుల వీరుడ‌ని మాజీ మంత్రి జ‌గ‌దీశ్ రెడ్డి (Jagadish Reddy) మండిప‌డ్డారు. ఫోన్ ట్యాపింగ్ (Phone Tapping) కేసులో కేసీఆర్‌ (KCR), కేటీఆర్‌ (KTR), హ‌రీశ్‌రావు (Harish Rao) ల‌కు నోటీసులు ఇస్తున్న‌ట్లు రేవంత్ లీకులు ఇచ్చార‌ని దుయ్య‌బ‌ట్టారు. నోటీసులు ఇస్తున్న‌ట్లు ఈ రోజు లీకులు ఇచ్చి, నోటీసులు మాత్రం అసెంబ్లీ స‌మావేశాల అనంత‌రం జారీ చేస్తామని అంటున్నార‌ని విమ‌ర్శించారు. దీనిపై రేవంత్ అధికారంలోకి వ‌చ్చిన మొద‌టి రోజు నుంచి దీనిపైనే ఏడుస్తున్నాడ‌ని గుర్తు చేశారు.

క‌రెంటుపై ఏడ్చాడ‌ని, కానీ దానిపై వ‌చ్చిన నివేదిక‌ బ‌హిర్గ‌త‌మైతే త‌న ప‌రువు పోతుంద‌ని దానిని లోప‌ల దాచుకున్నాడ‌ని అన్నారు. కేసీఆర్ మ‌ల్లెపూవులాగా ఉన్నాడ‌ని, అందులో ఏమీ లేద‌ని, కేసీఆర్ అద్భుతం చేసి 24 గంట‌ల క‌రెంటు ఇచ్చి కాంగ్రెస్‌, బీజేపీల‌కు గుణ‌పాఠం చెప్పాడ‌ని నివేదిక‌ను ఉంద‌ని ఎద్దేవా చేశారు. దాంతో నివేదిక‌ను మ‌డిచి ఎక్క‌డో పెట్టుకున్నాడ‌ని విమ‌ర్శించారు.

కాళేశ్వ‌రం అని ఎగిరి, కోర్టు అందులో ఏమీ లేద‌ని, కేసీఆర్ బ్ర‌హ్మాండంగా కాళేశ్వ‌రం నిర్మించార‌ని కితాబిచ్చార‌ని, దానికి మ‌ర‌మ్మ‌త్తులు చేయ‌డం ప్ర‌భుత్వానికి చేత‌కావ‌డం లేద‌ని మొట్టికాయ‌లు వేసింద‌ని వివ‌రించారు. ఈ ఫార్ములా అని అన్నాడ‌ని, ఏ ఫార్ములా లేద‌ని ఎద్దేవా చేశారు. చివ‌రికి అందాల పోటీలు నిర్వ‌హించి, వారితోనూ మాట‌లు ప‌డ్డాడ‌ని దుయ్య‌బ‌ట్టారు.