Nagarguna Sagar | నాగార్జునసాగర్ బ్యాక్వాటర్లో నిర్మాణాలపై ఇంజినీర్ల బృందం ఆరా
Nagarguna Sagar | నాగార్జునసాగర్ జలాశయ భద్రతకు సంబంధించిన అంశం చర్చనీయాంశంగా మారింది. బ్యాక్వాటర్ పరిధిలో చేపడుతున్న ఇంటెక్ వెల్ సంపు నిర్మాణ పనులపై అభ్యంతరాలు వ్యక్తమవుతున్న నేపథ్యంలో రిటైర్డ్ ఇంజినీర్లు క్షేత్రస్థాయిలో పరిశీలన చేపట్టారు. రిటైర్డ్ ఇంజినీర్ల సంఘం కన్వీనర్ శ్యాం ప్రసాద్రెడ్డి నేతృత్వంలోని బృందం శుక్రవారం రైట్ బ్యాంక్ బ్యాక్వాటర్ ప్రాంతాన్ని సందర్శించింది.
- ఇంటెక్ వెల్ సంపు పనులపై రిటైర్డ్ ఇంజనీర్ల బృందం పరిశీలన..
- అనుమతులపై ప్రశ్నల వర్షం కురిపించిన బృందం
Nagarguna Sagar | నాగార్జునసాగర్ జలాశయ భద్రతకు సంబంధించిన అంశం చర్చనీయాంశంగా మారింది. బ్యాక్వాటర్ పరిధిలో చేపడుతున్న ఇంటెక్ వెల్ సంపు నిర్మాణ పనులపై అభ్యంతరాలు వ్యక్తమవుతున్న నేపథ్యంలో రిటైర్డ్ ఇంజినీర్లు క్షేత్రస్థాయిలో పరిశీలన చేపట్టారు. రిటైర్డ్ ఇంజినీర్ల సంఘం కన్వీనర్ శ్యాం ప్రసాద్రెడ్డి నేతృత్వంలోని బృందం శుక్రవారం రైట్ బ్యాంక్ బ్యాక్వాటర్ ప్రాంతాన్ని సందర్శించింది. జలాశయ నిబంధనలకు అనుగుణంగానే పనులు జరుగుతున్నాయా? నిర్మాణాలకు అవసరమైన అనుమతులు ఏ ప్రాతిపదికన మంజూరయ్యాయి? అనే అంశాలపై బృందం ఆరా తీసింది. ముఖ్యంగా ఇంటెక్ వెల్ సంపు నిర్మాణం వల్ల సాగర్ జలాశయ భద్రతకు ఎలాంటి ముప్పు వాటిల్లే అవకాశం ఉందనే కోణంలో పరిశీలించింది. నీటి వనరుల పరిరక్షణ, ప్రాజెక్టు రక్షణకు సంబంధించిన అంశాలను క్షుణ్ణంగా పరిశీలించింది.
జలాశయ పరిధిలో నిర్మాణాలపై అమల్లో ఉన్న నిబంధనలు, అనుమతుల ప్రక్రియ గురించి అధికారులను ప్రశ్నించిన శ్యామ్ ప్రసాద్రెడ్డి.. ప్రాజెక్టు భద్రతకు విఘాతం కలిగించే పనులకు ఎట్టి పరిస్థితుల్లోనూ అవకాశం ఇవ్వకూడదని సూచించారు. ఇంటెక్ వెల్ సంపు నిర్మాణానికి సంబంధించిన అనుమతులు, నిబంధనలపై పూర్తి స్పష్టత రావాల్సి ఉందన్నారు. నిర్మాణాలపై సమగ్ర విచారణ జరిపి, నిబంధనల ఉల్లంఘన జరిగినట్లు తేలితే బాధ్యులపై చర్యలు తీసుకోవాలని కోరారు. జలాశయాలు కేవలం నీటి నిల్వ కేంద్రాలు మాత్రమే కాదని, ప్రజల అవసరాలు, వ్యవసాయం, భవిష్యత్ నీటి భద్రతతో ముడిపడి ఉన్న కీలక వనరులని.. వాటి రక్షణలో అధికారులు బాధ్యతాయుతంగా వ్యవహరించాలని పేర్కొన్నారు. అలాగే, సాగర్ బ్యాక్వాటర్ ప్రాంతాన్ని పరిశీలించడానికి ముందు శ్యామ్ ప్రసాద్రెడ్డి నేతృత్వంలోని రిటైర్డ్ ఇంజనీర్ల బృందం తిరుమలగిరి సాగర్ మండలంలోని నెల్లికల్ లిఫ్ట్ ప్రాజెక్టును సందర్శించింది. అక్కడి ప్రాజెక్టు పనులు, సంబంధిత అంశాలను పరిశీలించింది.
ట్యాగ్స్:
సంబంధిత వార్తలు

Kishan Reddy | తెలంగాణలో ఇక బీజేపీ ఆట షురూ.. కిషన్రెడ్డి ఇంట్రెస్టింగ్ కామెంట్స్..!
నవంబర్ 20, 2026

Student Dies | రంగారెడ్డిలో దారుణం..! సెలవు ఇవ్వలేదని విద్యార్థి ఆత్మహత్య..
నవంబర్ 20, 2026

Supreme Court | డిఫాల్టర్ రైస్ మిల్లర్లకు సుప్రీంకోర్టులో ఎదురుదెబ్బ.. ఎస్ఎల్పీలను కొట్టివేసిన కోర్టు..
నవంబర్ 20, 2026
తాజావార్తలు
- ●Student Dies | రంగారెడ్డిలో దారుణం..! సెలవు ఇవ్వలేదని విద్యార్థి ఆత్మహత్య..
- ●Supreme Court | డిఫాల్టర్ రైస్ మిల్లర్లకు సుప్రీంకోర్టులో ఎదురుదెబ్బ.. ఎస్ఎల్పీలను కొట్టివేసిన కోర్టు..
- ●TG Bhavan | ఆస్ట్రేలియాలో ‘తెలంగాణ భవన్’ నిర్మాణానికి శ్రీకారం
- ●Kayadu Lohar | 12 వేల అడుగుల ఎత్తైన పర్వతంపై టాలీవుడ్ హీరోయిన్ సాహసం
- ●Kondagattu Anjanna | నిజరూపంలో దర్శనమిచ్చిన కొండగట్టు అంజన్న
- ●Rekha Naik | రైస్ మిల్ నా పేరు మీదే ఉంది.. అందుకే ఈడీ వచ్చింది

Student Dies | రంగారెడ్డిలో దారుణం..! సెలవు ఇవ్వలేదని విద్యార్థి ఆత్మహత్య..

Supreme Court | డిఫాల్టర్ రైస్ మిల్లర్లకు సుప్రీంకోర్టులో ఎదురుదెబ్బ.. ఎస్ఎల్పీలను కొట్టివేసిన కోర్టు..

TG Bhavan | ఆస్ట్రేలియాలో ‘తెలంగాణ భవన్’ నిర్మాణానికి శ్రీకారం

Kayadu Lohar | 12 వేల అడుగుల ఎత్తైన పర్వతంపై టాలీవుడ్ హీరోయిన్ సాహసం



