Private Schools | రాష్ట్రంలో గుర్తింపు పొందిన ప్రైవేటు పాఠ‌శాల‌లు ఇవే.. ఓ లుక్కేయండి..

Private Schools | త్రినేత్ర‌.న్యూస్‌: రాష్ట్రంలో నూత‌న విద్యా సంవ‌త్స‌రం మ‌రో నెల రోజుల్లో ప్రారంభం కానుంది. దీనికి సంబంధించి ప్ర‌వేశాలు (Admissions) ఇప్ప‌టికే ప్రారంభ‌మ‌య్యాయి. ఈ నేప‌థ్యంలో త‌ల్లిదండ్రులు అప్ర‌మ‌త్తంగా వ్య‌వ‌హ‌రించాల‌ని పాఠ‌శాల విద్యాశాఖ కోరింది. పిల్ల‌ల‌ను బ‌డుల‌లో చేర్పించే ముందు ఆ ప్రైవేటు స్కూల్‌కు (Private School) గుర్తింపు ఉందా? లేదా? అనే విష‌యం త‌ప్ప‌నిస‌రిగా తెలుసుకుకోవాల‌ని సూచించింది. గుర్తింపు లేని పాఠ‌శాల‌ల్లో (Recogniged Schools) త‌మ పిల్ల‌ల‌ను చేర్చ‌వ‌ద్ద‌ని త‌ల్లిదండ్రుల‌కు విజ్ఞ‌ప్తి చేసింది.

ఇందులో భాగంగా రాష్ట్రంలో ఏయే ప్రైవేటు పాఠ‌శాల‌ల‌కు ప్ర‌భుత్వ‌ గుర్తింపు ఉన్న‌దో తెలిపేల.. జిల్లాలు, మండ‌లాల వారీగా వాటి జాబితాను సిద్ధం చేసింది. వివ‌రాల‌ను పాఠ‌శాల విద్యాశాఖ వెబ్‌సైట్ https://schooledu.telangana.gov.in లో అందుబాటులో ఉంచింది.

ఎలాచూడాలంటే..

• ముందుగా పాఠ‌శాల విద్యాశాఖ వెబ్‌సైట్ https://schooledu.telangana.gov.in ను ఓపెన్ చేయాలి
• హోమ్ పేజీలో రిక‌గ్నైజ్‌డ్ స్కూల్స్ అనే ఒక ఆప్ష‌న్ క‌నిపిస్తుంది. అక్క‌డ క్లిక్ చేయాలి.
• జిల్లా, మండ‌లం అనే ఆప్ష‌న్స్ ఉంటాయి. వాటిని ఎంట‌ర్ చేసి స‌బ్మిట్ చేస్తే మీ మండ‌లంలోని పాఠ‌శాల‌ల వివ‌రాలు వ‌స్తాయి.