Rain Update | రాష్ట్రంలో మూడు రోజులు మోస్త‌రు వ‌ర్షాలు.. జైనాధ్‌లో అత్య‌ధిక ఉష్ణోగ్ర‌త‌

Rain Update | త్రినేత్ర‌.న్యూస్‌: రాష్ట్రంలో మూడు రోజుల‌పాటు తేలికపాటి నుంచి ఓ మోస్తరు వ‌ర్షాలు కురుస్తాయ‌ని హైదరాబాద్ వాతావ‌ర‌ణ కేంద్రం (IMD Hyderabad) తెలిపింది. శని, ఆది, సోమవారాల్లో పలు జిల్లాల్లో ఉరుములు, మెరుపులు, ఈదురు గాలుల‌తో కూడిన వాన ప‌డుతుంద‌ని వెల్ల‌డించింది. గాలి గంట‌కు 30 నుంచి 40 కిలోమీట‌ర్ల వేగంతో వీస్తుంద‌ని చెప్పింది.

శ‌నివారం ఆదిలాబాద్, ఆసిఫాబాద్‌, నిర్మ‌ల్‌, నిజామాబాద్, జ‌గిత్యాల‌, సిరిసిల్ల‌, జ‌న‌గామ‌, సిద్దిపేట‌, మెదక్, సంగారెడ్డి, కామారెడ్డి జిల్లాల్లో పలు చోట్ల కురిసే సూచనలు ఉన్నట్లు పేర్కొంది. ఇక ఆదివారం ఆదిలాబాద్, ఆసిఫాబాద్, మంచిర్యాల,
నిర్మ‌ల్, నిజామాబాద్, జగిత్యాల, సిరిసిల్ల‌, భూపాలపల్లి, ములుగు, కొత్త‌గూడెం, జనగాం, సిద్దిపేట, సంగారెడ్డి, మెద‌క్‌, కామారెడ్డి జిల్లాల్లో అక్క‌డక్క‌డ వాన కురిసేఅవకాశం ఉంది. అదేవిధంగా సోమ‌వారం ఆదిలాబాద్, ఆసిఫాబాద్, మంచిర్యాల,
జగిత్యాల, సిరిసిల్ల‌, కరీంనగర్, పెద్దపల్లి, భూపాలపల్లి, ములుగు, కొత్త‌గూడెం, ఖమ్మం, నల్ల‌గొండ‌, సూర్యాపేట, మహబూబాబాద్, వరంగల్, హనుమకొండ, జనగాం, సిద్దిపేట, భువనగిరి, రంగారెడ్డి, హైద‌రాబాద్, మేడ్చ‌ల్, నాగర్ క‌ర్నూల్ జిల్లాల్లో వ‌ర్షం ప‌డుతుంద‌ని తెలిపింది.

శుక్రవారం ఆదిలాబాద్‌ జిల్లా జైనధ్‌లో (Jainath) రాష్ట్రంలోనే అత్యధికంగా 40.5 డిగ్రీల సెల్సియస్‌ ఉష్ణోగ్రత నమోదయింది. నల్గొండ జిల్లా నేరేడుగొమ్ములో 40.1, ములుగు జిల్లా మంగపేటలో 39.7 డిగ్రీలు, భ‌ద్రాచ‌లంలో 37.6, మ‌హ‌బూబ్‌న‌గ‌ర్‌లో 38, ఖ‌మ్మం 36.8, న‌ల్ల‌గొండ 36.5, హ‌కీంపేట‌, దుండిగ‌ల్‌లో 35.1, హ‌నుమ‌కొండ‌లో 35, హ‌య‌త్‌న‌గ‌ర్‌లో 34 డిగ్రీల ఉష్ణోగ్ర‌త రికార్డ‌యింది.