లోడ్ అవుతోంది...
Ganesh sunkari
Telangana | Jan 16, 2026, 8.37 am IST
త్రినేత్ర.న్యూస్: దేశంలో ఫార్మా క్యాపిటల్గా పేరొందిన హైదరాబాద్ (Hyderabad).. సాఫ్ట్వేర్, ఇన్ఫ్రా, రియల్ఎస్టేట్ ఇలా అన్ని రంగాల్లోనూ దూసుకుపోతున్నది. దీంతో నగరంలో సంపన్నులు (Richest People) కూడా రోజురోజుకు రెట్టింపవుతున్నారు. ఈ నేపథ్యంలో హైదరాబాద్లో అత్యంత ధనవంతుల జాబితా తాజాగా విడుదలైంది.
ఇందులో ప్రముఖ ఫార్మా కంపెనీ దివీస్ ల్యాబొరేటరీస్ అధినేత మురళి దివి కుటుంబం టాప్ ప్లేస్లో ఉన్నది. సుమారు రూ.91,100 కోట్ల నెట్ వర్త్తో హైదరాబాద్లోనే అత్యంత సంపన్నులుగా నిలిచారు. ఇక భారీ ప్రాజెక్టులకు కేరాఫ్ అడ్రస్గా నిలిచే మేఘా ఇంజినీరింగ్ అండ్ ఇన్ఫ్రాస్ట్రక్చర్స్ (MEIL)కు చెందిన పిచ్చి రెడ్డి రూ.42,650 కోట్లతో రెండో స్థానంలో ఉన్నారు.
కాగా, హైదరాబాద్లోని ధనికుల జాబితా చూస్తే.. ఎక్కువగా ఫార్మా, ఇన్ఫ్రాస్ట్రక్చర్, రియల్ ఎస్టేట్, సోలార్ ఎనర్జీ రంగాలకు చెందినవారే ఉన్నారు. అదేవిధంగా నగరంలో రూ.1,000 కోట్లు పైగా ఆస్తులు కలిగిన వారు 100 మందికి పైగా ఉన్నట్టు తెలుస్తున్నది. దీంతో దేశంలో ముంబై, ఢిల్లీ తర్వాత హైదరాబాద్ మూడో స్థానంలో నిలవడం గమనార్హం.
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam
