Employees Protest | సెక్రెటేరియ‌ట్ వద్ద ఉద్యోగుల భారీ నిర‌స‌న‌.. డిమాండ్లు ప‌రిష్క‌రించాల‌ని నినాదాలు

Employees Protest | త్రినేత్ర‌.న్యూస్: తెలంగాణ సెక్రటేరియట్ వద్ద మంగ‌ళ‌వారం ఉద్యోగులు భారీ నిర‌స‌న‌కు దిగారు. వివిధ సంఘాల ఆధ్వర్యంలో డిమాండ్ల పరిష్కారం కోసం బాహుబలి ద్వారం ఎదుట ఆందోళన వ్య‌క్తం చేస్తున్నారు. కొత్త పీఆర్సీ (PRC) ప్రకటించాలని, పెండింగ్‌లో ఉన్న కరువు భత్యం (DA) బకాయిలు విడుదల చేయాలని, నూతన ఆరోగ్య బీమా (EHS)ను సమర్థంగా అమలు చేయాలని డిమాండ్ చేస్తున్నారు.

పింఛ‌న‌ర్లు, ప్ర‌భుత్వ ఉద్యోగులు భారీ ఎత్తున పాల్గొని అక్క‌డే బైఠాయించి పెద్ద పెట్టున నినాదాలు చేశారు. ఈ సందర్భంగా సెక్రటేరియట్ వద్ద తీవ్ర ఉద్రిక్తత చోటుచేసుకుంది. ప్రభుత్వం తమ సమస్యలను పరిష్కరించడంలో తాత్సారం చేస్తోందని వారు మండిప‌డుతున్నారు.