IED Blast | క‌ర్రెగుట్ట‌ల్లో పేలిన ఐఈడీ.. జ‌వాన్‌కు గాయాలు..!

IED Blast | త్రినేత్ర‌.న్యూస్ : తెలంగాణ - ఛ‌త్తీస్‌గ‌ఢ్ స‌రిహ‌ద్దుల్లోని క‌ర్రెగుట్ట‌ల్లో మావోయిస్టుల కోసం భ‌ద్ర‌తా బ‌ల‌గాలు కూంబింగ్ కొన‌సాగిస్తున్న విష‌యం తెలిసిందే. క‌ర్రెగుట్ట‌ల్లోని పామునూరు, జెల్లా గ్రామాల స‌మీపంలో 39వ బెటాలియ‌న్ సీఆర్పీఎఫ్ బృందాలు శుక్ర‌వారం కూబింగ్ నిర్వ‌హిస్తుండ‌గా.. ఐఈడీ పేలిపోయింది. ఈ పేలుడు ధాటికి న‌వ‌జీత్ అనే జ‌వాన్‌కు తీవ్ర గాయాలైన‌ట్లు తెలిసింది.

కాగా శుక్రవారం ఉదయం పామునూరు నుండి జెల్లా గ్రామానికి రోడ్డు వేసే క్రమంలో సీఆర్పీఎఫ్‌ బృందాలు సెర్చ్ ఆపరేషన్ ప్రారంభించారు. ఈ మార్గంలో 11 ఐఈడీల‌ను గుర్తించి నిర్వీర్యం చేసిన‌ట్లు స‌మాచారం. 12వ ఐఈడీని నిర్వీర్యం చేసే క్ర‌మంలో అది ప్ర‌మాద‌వ‌శాత్తు పేలిపోయింది. దీంతో జ‌వాన్‌కు గాయాలైన‌ట్లు స‌మాచారం. గాయాల‌పాలైన జ‌వాన్‌ను వెంక‌టాపురం త‌ర‌లించి.. మెరుగైన వైద్యం కోసం హైద‌రాబాద్ త‌ర‌లించిన‌ట్లు తెలిసింది.