Harish Rao | చీము నెత్తురు ఉంటే రేవంత్ వెంటనే రాజీనామా చేయాలి

Harish Rao | శాసనసభ సాక్షిగా అబద్ధాలు చెప్పినందుకు సీఎం రేవంత్ రెడ్డి తక్షణమే రాజీనామా చేయాలని.. చీము నెత్తురు ఉంటే గవర్నర్ దగ్గరికి వెళ్లి వెంటనే తన రాజీనామా లేఖను అందించాలని మాజీ మంత్రి హరీశ్ రావు డిమాండ్ చేశారు. సభలో అబద్ధాలు చెప్పినందుకు రేవంత్ నాలుక కోయాలన్నారు. తాను ఇలా మాట్లాడుతున్నందుకు తనపై కూడా దాడి చేయిస్తారని, అవసరమైతే హత్యాయత్నం కూడా రేవంత్ చేయిస్తారని హరీశ్ రావు అన్నారు. నదీ జలాలు - కాంగ్రెస్ ద్రోహాలు అంశంపై తెలంగాణ భవన్లో మాజీ మంత్రి హరీశ్ రావు పవర్ పాయింట్ ప్రజెంటేషన్ ఇచ్చారు. ఉమ్మడి రాష్ట్రంలో 1956 నుంచి 2004 వరకు మనకు వచ్చిన ఆయకట్టు 36 లక్షల ఎకరాలే అన్నారు. 2004 నుంచి 2014 వరకు కాంగ్రెస్ పదేళ్లు అధికారంలో ఉంది. అప్పుడు 5 లక్షల 71 వేల కొత్త ఆయకట్టు, స్టెబులైజేషన్ 93 వేలుగా ఉంది. 60 ఏండ్లు మొత్తం కలిపితే వచ్చింది 42 లక్షల ఎకరాలకు ఆయకట్టు మాత్రమే. 2014 నుంచి 2023 వరకు బీఆర్ఎస్ అధికారంలో ఉన్నప్పుడు తొమ్మిదిన్నరేండ్లలో అందులో రెండేళ్లు కరోనా వచ్చినా, పెద్ద నోట్ల రద్దు జరిగి ఆర్థిక సంక్షోభం ఏర్పడినా, కొత్తగా ఏర్పడిన రాష్ట్రం అయినా బీఆర్ఎస్ పార్టీ సాధించిన ఆయకట్టు 31 లక్షల 51 వేల ఎకరాలు. అందులో 17 లక్షల 24 వేల ఎకరాల కొత్త ఆయకట్టు తీసుకొచ్చి మొత్తం తొమ్మిదిన్నరేండ్లలో 48 లక్షల 74 వేల ఎకరాల ఆయకట్టును సాధించామని హరీశ్ రావు స్పష్టం చేశారు. కాంగ్రెస్ పాలనలో ఏడాదికి 57 వేల ఎకరాలే పదేండ్ల కాంగ్రెస్ పాలనలో ఒక ఏడాదికి 57 వేల ఎకరాలు వస్తే.. బీఆర్ఎస్ పాలనలో ఏడాదికి లక్షా 81 వేల 473 ఎకరాల కొత్త ఆయకట్టు తీసుకొచ్చామన్నారు. పదేళ్లలో కాంగ్రెస్ చేసిన స్టెబులైజేషన్ 93 వేల ఎకరాలు కాగా, బీఆర్ఎస్ చేసిన స్టెబులైజేషన్ 31 లక్షల 50 వేల ఎకరాలు. ఉమ్మడి రాష్ట్రంలో చెరువులను పట్టించుకోలేదు. మిషన్ కాకతీయ ద్వారా చెరువుల కింద ఉండే 25 లక్షల ఎకరాల ఆయకట్టు సాధించామన్నారు. ఎస్ఆర్ఎస్పీ స్టేజ్ 2 పేరుకే కాల్వలు, తుమ్మలు మొలిశాయి కానీ నీళ్లు పారలేదు. ఎస్ఆర్ఎస్పీ స్టేజ్ 2 కి కాళేశ్వరం నీళ్లు తాము అందించామన్నారు. ఎవరి నాలుక కోయాలో చెప్పు రేవంత్ అసెంబ్లీలో రేవంత్ రెడ్డి పచ్చి అబద్ధాలు మాట్లాడారు. యావత్ శాసనసభను తప్పుదోవ పట్టించారు. నీ నాలుక కోయాలా? లేక ఎవరి నాలుక కోయాలో చెప్పు రేవంత్. చీము, నెత్తురు ఉన్నోడైతే రాజ్భవన్కి వెళ్లి వెంటనే రాజీనామా చేయాలి. దేవుళ్లను మోసం చేసిన ఘనుడు రేవంత్ రెడ్డి.. అని హరీశ్ రావు దుయ్యబట్టారు. నిజాం కాలంలో మనకు దక్కింది 252 టీఎంసీలే గోదావరి నదిలో నిజాం కాలంలో మనకు దక్కింది 252 టీఎంసీలనే హరీశ్ రావు స్పష్టం చేశారు. 60 ఏళ్ల కాంగ్రెస్, టీడీపీ పాలనలో గోదావరి నదిపై ప్రాజెక్టులకు సాధించిన హక్కులు 265 టీఎంసీలే అన్నారు. కేసీఆర్ ప్రభుత్వం గోదావరి నదిపై 383 టీఎంసీలకు హక్కులు సాధించింది. గోదావరి జలాల్లో నీటి కేటాయింపుల్లో కేసీఆర్ ప్రభుత్వం ఏడాదికి 40 టీఎంసీలు సాధించారు. ఏడాదికి కాంగ్రెస్, టీడీపీలు కలిపి 4.43 టీఎంసీలు సాధించాయన్నారు. బీఆర్ఎస్ ప్రభుత్వం వచ్చాక 11 ప్రాజెక్టులకు డీపీఆర్లు బీఆర్ఎస్ ప్రభుత్వం వచ్చాకనే 11 ప్రాజెక్టులకు డీపీఆర్లు పంపామన్నారు. 7 ప్రాజెక్టులకు మనం అనుమతులు సాధించామన్నారు. సమ్మక్క సాగర్ ప్రాజెక్టు ఒకటి పెండింగ్లో ఉందని.. కాంగ్రెస్ వచ్చాక పాలమూరు- రంగారెడ్డి వాపస్ వచ్చిందన్నారు. అంబేద్కర్ వార్డా డీపీఆర్ వాపస్ వచ్చింది. కాళేశ్వరం అడిషనల్ టీఎంసీ వాపస్ వచ్చింది. రెండేళ్ల కాంగ్రెస్ పాలనలో ఒక్క డీపీఆర్ పంపలేదు. ఒక్క క్లియరెన్స్ తేలేదు. డీపీఆర్లు మాత్రం 3 వాపస్ వచ్చాయి. బీఆర్ఎస్ సక్సెస్ రేటు 63 శాతం కాగా, కాంగ్రెస్ సక్సెట్ రేటు 30 శాతమే అన్నారు. అప్పుడే కొత్త ట్రిబ్యునల్ ఏర్పాటుపై ప్రశ్నించాం ఫస్ట్ అపెక్స్ కౌన్సిల్ మీటింగ్లోనే కొత్త ట్రిబ్యునల్ ఏర్పాటుపై ప్రశ్నించామని హరీశ్ రావు స్పష్టం చేశారు. పాలమూరు, డిండిని మేం కొనసాగిస్తామని కేసీఆర్ చెప్పారు. నీటి పంపిణీకి ఒప్పుకున్నారని సీఎం అంటున్నారు. అసెంబ్లీ సాక్షిగా రేవంత్ అబద్ధాలు చెబుతున్నారని మండిపడ్డారు. 11వ షెడ్యూల్లో పాలమూరు-రంగారెడ్డి పెట్టలేదు 11వ షెడ్యూల్లో పాలమూరు-రంగారెడ్డి పెట్టలేదని.. విభజన సమయంలోనూ మనకు అన్యాయం చేసింది కాంగ్రెస్సే అన్నారు. రూ.200 కోట్ల ఖర్చు చేస్తే కాళేశ్వరం కింద 5 లక్షల ఎకరాలకు నీళ్లు ఇవ్వొచ్చు. సొంత ప్రాంతానికే రేవంత్ ద్రోహం చేస్తున్నారు. మొదటి నుంచి తెలంగాణకు ద్రోహం చేయడమే కాంగ్రెస్ పని. రెండేళ్లలో రూపాయి ఇవ్వకుండా కాళేశ్వరంపై కక్షగట్టారు. పాలమూరు బిడ్డ అంటూ సొంత ప్రాంతానికే రేవంత్ ద్రోహం చేస్తున్నారని ఆగ్రహం వ్యక్తం చేశారు. టెలీమెట్రీలను పెట్టాలని 2016లోనే చెప్పిన కేసీఆర్ టెలీమెట్రీలను పెట్టాలని 2016లోనే కేసీఆర్ చెప్పారని.. ఇవన్నీ దాచి సగం పేరాగ్రాఫ్లు మాత్రమే రేవంత్ చదివారన్నారు. మోకాలు, బోడిగుండుకు ముడిపెట్టేలా రేవంత్ మాటలున్నాయన్నారు. నీళ్ల విషయంలో చంద్రబాబు, జగన్ను కేసీఆర్ నిలదీశారు. పోతిరెడ్డిపాడు ఆపకపోతే అలంపూర్ దగ్గర ప్రాజెక్టు కడతామని హెచ్చరించారన్నారు.

Harish Rao | చీము నెత్తురు ఉంటే రేవంత్ వెంటనే రాజీనామా చేయాలి

FOLLOW US

ట్యాగ్స్:

సంబంధిత వార్తలు

Telangana | నేడు న‌ల్ల‌మ‌ల సాగ‌ర్‌పై సుప్రీంకోర్టులో విచారణ‌.. ఢిల్లీలోనే రేవంత్ మ‌కాం..!

Jagga Reddy | నువ్వు మంత్రి అయ్యాకే తెలంగాణ వాళ్లు నీళ్లు తాగుతున్నారా: హ‌రీశ్‌పై నిప్పులు చెరిగిన జ‌గ్గారెడ్డి

Mahesh Kumar Goud | 8వ తేదీలోగా డీసీసీ కార్య‌వ‌ర్గ కూర్పు: మహేష్ కుమార్ గౌడ్

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Telangana | నేడు న‌ల్ల‌మ‌ల సాగ‌ర్‌పై సుప్రీంకోర్టులో విచారణ‌.. ఢిల్లీలోనే రేవంత్ మ‌కాం..!

CP VC Sajjanar | సంక్రాంతికి ఊరెళ్తున్నారా..? ఇల్లు జాగ్ర‌త్త‌.. సీపీ వీసీ స‌జ్జ‌నార్ సూచ‌న‌లు..

Motorola Edge 60 Pro | రూ.14వేలు త‌గ్గిన మోటోరోలా ఎడ్జ్‌60 ప్రొ స్మార్ట్ ఫోన్‌.. ఎందులో కొనాలంటే..?

POPULAR LINKS

Horoscope | జ‌న‌వ‌రి 5 రాశి ఫ‌లాలు.. ఈ రాశివారికి స‌హొద్యోగుల‌తో ఇబ్బందులు..!

Lentils | ప‌ప్పు తిన్నాక గ్యాస్ ట్ర‌బుల్‌కు కార‌ణం ఇదే.. ఇలా చేస్తే స‌మ‌స్య ఉండ‌దు..