Mahesh Kumar Goud | 8వ తేదీలోగా డీసీసీ కార్య‌వ‌ర్గ కూర్పు: మహేష్ కుమార్ గౌడ్

Mahesh Kumar Goud | త్రినేత్ర‌.న్యూస్‌: ఈ నెల 8వ తేదీలోగా డీసీసీ (DCC) కార్య‌వ‌ర్గ కూర్పు చేసి, పూర్తి స్థాయి నివేదిక‌లు అధిష్ఠానానికి అందించాల‌ని టీపీసీసీ (TPCC) అధ్య‌క్షుడు, ఎమ్మెల్సీ (MLC) మ‌హేశ్ కుమార్ గౌడ్ (Mahesh Kumar Goud) డీసీసీ అధ్య‌క్షుల‌ను ఆదేశించారు. 15వ తేదీలోగా మండ‌ల కాంగ్రెస్ (Congress) అధ్య‌క్షుల నియామ‌కాలు పూర్తి చేయాల‌ని నిర్దేశించారు. డీసీసీ అధ్యక్షులు, టీపీసీసీ ఉపాధ్యక్షులతో జూమ్ మీటింగ్‌లో ఏఐసీసీ ఇంచార్జ్ మీనాక్షి నటరాజన్ (Meenakshi Natarajan), కార్యదర్శులు విశ్వనాథన్, సచిన్‌ల‌తో క‌లిసి మ‌హేశ్ పాల్గొని ప్ర‌సంగించారు. ఈ నెల 8న గాంధీభ‌వ‌న్ వేదిక‌గా టీపీసీసీ విస్తృత కార్య‌వ‌ర్గ స‌మావేశం నిర్వ‌హించ‌నున్న‌ట్లు ప్ర‌క‌టించారు. కేంద్ర ప్రభుత్వం కుట్ర పూరితంగా జాతీయ ఉపాధి పథకంలో మహాత్మా గాంధీ పేరు ను తొలగించడం పట్ల రాష్ట్ర వ్యాప్తంగా నిరసన కార్యక్రమాలు చేపట్టాలని పిలుపునిచ్చారు.