Harish Rao | సిగ్గుచేటు.. ఫేక్ అకౌంట్ గురించి అసెంబ్లీలో చెప్పిన‌ సీఎం రేవంత్: హరీశ్‌ రావు

Harish Rao | త్రినేత్ర‌.న్యూస్‌: అసెంబ్లీ స‌మావేశాల సంద‌ర్భంగా తొలి రెండు రోజులు చోటుచేసుకున్న ప‌రిణామాలపై సీఎం రేవంత్ రెడ్డి (Revanth Reddy) మాట్లాడిన తీరుపై బీఆర్ఎస్ ఎల్పీ ఉప‌నేత హ‌రీశ్ రావు (Harish Rao) ఆగ్ర‌హం వ్య‌క్తం చేశారు. సంధ్యా రావు అనే ఫేక్ అకౌంట్ గురించి సీఎ రేవంత్ అసెంబ్లీలో చెప్పడం సిగ్గుచేట‌న్నారు. ఆ ఫేక్ అకౌంట్‌ను (Fake Account) కాంగ్రెస్ (Congress) పార్టీయే నడిపిస్తున్న‌ద‌ని ఆరోపించారు. ఫేక్ అకౌంటును పట్టుకొని అసెంబ్లీలో ఒక ముఖ్యమంత్రి మాట్లాడొచ్చా? అని ప్ర‌శ్నించారు. ఫేక్ అకౌంట్‌లో పోస్ట్ చేయడం, దాన్ని తీసుకొచ్చి అసెంబ్లీలో చదవడం ఏంట‌ని ఆగ్ర‌హం వ్య‌క్తం చేశారు. ఇది దౌర్భాగ్య పరిస్థితి అంటూ మండిప‌డ్డారు.

తెలంగాణ ప్రజలకు సీఎం రేవంత్ రెడ్డి క్షమాపణ చెప్పాలని డిమాండ్ చేశారు. ఫేక్ అకౌంట్‌పై తక్షణమే విచారణ చేపట్టాల‌న్నారు. స‌భ‌ను ముఖ్యమంత్రి తప్పుదోవ పట్టించార‌న్నారు. ఆయ‌న‌పై సభా హక్కుల ఉల్లంఘన నోటీసులు ఇస్తామ‌ని చెప్పారు.