Kodi Mirapa | ‘కోడి మిర‌ప‌’..! మిర‌ప‌కాయ‌లందు ఈ మిర‌ప వేర‌యా..!!

Kodi Mirapa | ప్ర‌తి ఒక్క‌రు మిర‌ప‌కాయ‌ల‌ను( Green Chilli ) చూసే ఉంటారు. మిర‌ప తోట‌ను కూడా సంద‌ర్శించే ఉంటారు. సాధార‌ణంగా మిర‌ప‌కాయ‌లు చెట్టు కొమ్మ‌ల‌కు కింది భాగంలో వేలాడుతూ ఉంటాయి. కానీ ఈ మిర‌ప కాయ చెట్టు మాత్రం ఇందుకు భిన్నంగా ఉంది. ఈ మిర‌ప చెట్టుకు మిర‌ప‌కాయ‌లు పైకి కాస్తున్నాయి. అంటే కొమ్మ‌కు పై భాగాన నిటారుగా కాస్తున్నాయి. దీంతో ఈ మిర‌ప చెట్టు అంద‌రి దృష్టిని ఆక‌ర్షిస్తుంది. ఈ మిర‌ప కాయ‌ల‌ను కోడి మిర‌ప‌( Kodi Mirapa ), కొండ మిరప( Konda Mirapa ) అని పిలుస్తారట‌.

భ‌ద్రాద్రి కొత్త‌గూడెం జిల్లా( Bhadradi Kothagudem ) చ‌ర్ల మండ‌లం కీకార‌ణ్య ఎర్రంపాడు గ్రామానికి చెందిన ఓ ఆదివాసీ( Adivasi ) త‌న ఇంటి ఆవ‌ర‌ణ‌లో మిర‌ప మొక్క‌ల‌ను సాగు చేస్తున్నాడు. ఈ మిర‌ప చెట్టు సాధార‌ణ మిర‌ప చెట్టుకు భిన్నంగా ఉంది. అంటే అన్ని మిర‌ప చెట్లకు కొమ్మ‌ల‌కు కింది భాగంలో మిర‌ప‌కాయ‌లు కాస్తే.. ఈ చెట్టుకు మాత్రం కొమ్మ‌కు పై భాగంలో నిటారుగా కాస్తున్నాయి.

తింటే క‌న్నీళ్లు రావ‌డం ఖాయం..!

ఒక‌ట్రెండు మొక్క‌లు నాటితే.. ఏడాదికి స‌రిపోనూ మిర‌ప కాయ‌లు వ‌స్తాయ‌ని ఆదివాసీ రైతు పేర్కొన్నారు. ఈ మిర‌ప కాయ‌లు చూడ‌డానికి అతి చిన్న‌విగా ఉంటాయి. కానీ కారం బాగానే ఉంటుంద‌ని, తింటే క‌ళ్ల‌ల్లో నుంచి క‌న్నీరు రావ‌డం ఖాయ‌మ‌ని తెలిపాడు. పూర్వీకుల నుంచి ఈ మిర‌ప మొక్క‌లు(మూల విత్త‌నం) పెంచుతూ వ‌స్తున్నామ‌ని ఆయ‌న పేర్కొన్నాడు.

కోడి మిర‌ప‌లో ఔష‌ధ గుణాలు..!

ఈ మిర‌ప కాయ‌ల‌ను స్థానికంగా కోడి మిర‌ప లేదా కొండ మిర‌ప అని పిలుస్తారు. ఈ మిర‌ప‌కాయ‌ల్లో ఔష‌ధ గుణాలు అధికంగా ఉంటాయ‌ని, జ‌న్యుప‌ర‌మైన కార‌ణంగా అవి పైకి పెరుగుతాయ‌ని అశ్వారావుపేట వ్య‌వ‌సాయ క‌ళాశాల ప్రొఫెస‌ర్ డాక్ట‌ర్ ఐవీఎస్ రెడ్డి స్ప‌ష్టం చేశారు.