Fake SIR Staff | స‌ర్‌ సర్వే పేరుతో వచ్చి మంగళసూత్రం కొట్టేశారు..

Fake SIR staff | త్రినేత్ర‌.న్యూస్‌: ఓట‌ర్ల జాబితా ప్ర‌త్యేక‌ స‌మ‌గ్ర స‌వ‌ర‌ణ (SIR) ఇంటింటి స‌ర్వేను ఆస‌రాగా తీసుకున్న దుండ‌గులు దొంగ‌త‌నాల‌కు పాల్ప‌డుతున్నారు. యాదాద్రి భువ‌న‌గిరి జిల్లా బీబీన‌గ‌ర్ (Bibinagar) మండ‌లంలో ఎస్ఐఆర్‌ సిబ్బందిగా (Fake SIR staff) చెబుతూ వచ్చిన ఇద్దరు కేటుగాళ్లు ఓ మ‌హిళ మెడ‌లోనుంచి బంగారు మంగళసూత్రాన్ని (gold mangalsutra) ఎత్తుకెళ్లిపోయారు. మండలానికి చెందిన కే.అండాలు అనే మహిళ ఇంటికి ఇద్దరు వ్యక్తులు మోటార్ సైకిల్‌పై వచ్చారు. తాము స‌ర్‌ సర్వే కోసం వచ్చామని, ఆమె ఫోటోలు తీసుకోవాలని నమ్మించారు. అయితే ఫోటో తీసేటప్పుడు మెడలోని మంగళసూత్రం కనిపించకూడదని, కాబట్టి దాన్ని తీసేయాలని ఆమెకు చెప్పారు. నిజ‌మేన‌ని న‌మ్మిన ఆమె.. తన మెడలోని మంగళసూత్రాన్ని తీసి, ఇంటి బయటే నిలబడి ఉన్న తన భర్తకు ఇచ్చింది. దీంతో నిందితులు ఆమెను కొన్ని ఫోటోలు తీసుకున్నారు. త‌ర్వాత సమీపంలోని గుడికి రావాలని ఆమెను కోరారు.

బాధితురాలు వారితో కలిసి ఒక 200 మీటర్లు వెల్లిన‌త‌ర్వాత‌.. ఇద్దరు వ్యక్తులు తిరిగి ఆమె ఇంటికి వెళ్లి.. అక్కడ నిలబడి ఉన్న ఆమె భర్త చేతిలోని మంగళసూత్రాన్ని (gold chain ) లాక్కుని బైక్‌పై పారిపోయారు. ఈ ఘటనపై బాధితులు బీబీనగర్ పోలీసులకు ఫిర్యాదు చేశారు. పోలీసులు కేసు నమోదు చేసి ద‌ర్యాప్తు చేస్తున్నారు.