Harish Rao | బొగ్గు కుంభ‌కోణంపై సీబీఐ విచార‌ణ జ‌రిపించండి.. కిష‌న్ రెడ్డికి హ‌రీశ్‌రావు బ‌హిరంగ లేఖ‌

Harish Rao | త్రినేత్ర‌.న్యూస్ : కాంగ్రెస్ ప్రభుత్వం చేసిన బొగ్గు కుంభకోణంపై సీబీఐ విచారణ జరపాలంటూ కేంద్ర బొగ్గు గ‌నుల శాఖ మంత్రి కిషన్ రెడ్డికి మాజీ మంత్రి, బీఆర్ఎస్ ఎమ్మెల్యే హ‌రీశ్‌రావు బ‌హిరంగ లేఖ రాశారు. సిట్ విచారణకు హాజరయ్యే ముందు మీడియా సాక్షిగా హ‌రీశ్ రావు లేఖను విడుదల చేశారు. కోకాపేట‌లోని త‌న నివాసం వ‌ద్ద‌ పార్టీ వ‌ర్కింగ్ ప్రెసిడెంట్ కేటీఆర్, ఎమ్మెల్యేలు జ‌గ‌దీశ్ రెడ్డి, కొత్త ప్ర‌భాక‌ర్ రెడ్డి, సునీతా ల‌క్ష్మారెడ్డితో క‌లిసి హ‌రీశ్‌రావు మీడియాతో మాట్లాడారు.

ఈ రోజు కేంద్ర మంత్రి కిష‌న్ రెడ్డికి బ‌హిరంగ లేఖ రాస్తున్నాను. సింగ‌రేణి బొగ్గు గ‌నుల్లో కేంద్రానికి 49 శాతం వాటా ఉంది. ఈ అవినీతి కుంభ‌కోణాల గురించి మీడియా సాక్షిగా బ‌య‌ట‌పెట్టను. బొగ్గు గ‌నుల శాఖ మంత్రిగా ఉన్న నువ్వు ఒక‌వేళ రేవంత్‌తో కుమ్మ‌క్కు కాక‌పోతే వెంట‌నే సీబీఐ విచార‌ణ‌కు ఆదేశించాల‌ని కిష‌న్ రెడ్డిని డిమాండ్ చేస్తున్నాం. అన్ని ఆధారాలు ఇచ్చేందుకు సిద్ధంగా ఉన్నాను. రేవంత్ రెడ్డి బామ్మ‌ర్ది ఈ కుంభ‌కోణాల‌ను న‌డిపాడు.. కోల్ ఇండియాలో, గ‌తంలో సింగ‌రేణిలో మైన‌స్ 20 నుంచి 10 వ‌ర‌కు టెండ‌ర్లు పోతుండే. ఈ సైట్ విజిట్ స‌ర్టిఫికెట్ పెట్టిన త‌ర్వాత‌.. కాంట్రాక్ట‌ర్ల‌ను బెదిరించి కుంభ‌కోణాల‌కు పాల్ప‌డ్డాడు. నైని బ్లాక్ ఒక్క‌టే ర‌ద్దు చేయ‌డం కాదు ఈ టెండ‌ర్ల‌ను ర‌ద్దు చేసి సీబీఐ విచార‌ణ జ‌ర‌పాల‌ని డిమాండ్ చేస్తున్నా. వెంట‌నే బీజేపీ స్పందించాల‌ని, దొంగ‌ల‌ను అరెస్టు చేయాల‌ని, అవినీతి సొమ్మును క‌క్కించాల‌ని, ఈ రాష్ట్రానికి సింగ‌రేణి కార్మికుల‌కు జ‌రుగుత‌న్న న‌ష్టాన్ని బ‌య‌ట‌కు తీయాల‌ని డిమాండ్ చేస్తున్నాను. సింగరేణి డబ్బుతో రేవంత్ ఫుట్ బాల్ ఆడుతున్నాడు. షోకుల కోసం సింగరేణి డబ్బులు ఖర్చు చేస్తుంటే ఎందుకు కిషన్ రెడ్డి మాట్లాడడు అని హ‌రీశ్‌రావు నిల‌దీశారు.