Harish Rao | పాలిటెక్నిక్ విద్యార్థుల అవిశ్రాంత పోరాటానికి ల‌భించిన విజ‌యం ఇది

35 రోజుల పోరాటం త‌ర్వాత విద్యార్థులు గెలిచారు
జీవో 97కు స‌వ‌ర‌ణ‌ల‌పై మాజీ మంత్రి హ‌రీశ్‌రావు

Harish Rao | త్రినేత్ర న్యూస్ : రాష్ట్రంలో పాలిటెక్నిక్‌ విద్యార్థులు, అధ్యాపకుల ఆందోళనలకు ఎట్టకేలకు ప్రభుత్వం దిగివ‌చ్చిన సంగ‌తి తెలిసిందే. ప్ర‌భుత్వ పాలిటెక్నిక్ కాలేజీల‌కు సంబంధించిన జీవో 97కు స‌వ‌ర‌ణ‌లు చేస్తూ జీవో 157ను ప్ర‌భుత్వం జారీ చేసిన నేప‌థ్యంలో మాజీ మంత్రి హ‌రీశ్‌రావు ఎక్స్ వేదిక‌గా స్పందించారు.

పాలిటెక్నిక్ విద్యార్థుల ఐక్య‌త‌కు, అవిశ్రాంత పోరాటానికి ల‌భించిన విజ‌యం ఇది అని హ‌రీశ్‌రావు పేర్కొన్నారు. విద్యార్థులు ఏక‌తాటిపై నిల‌బ‌డితే వారి గొంతును ఎవ‌రూ అణిచివేయ‌లేరు అని అన్నారు. 35 రోజుల పోరాటం త‌ర్వాత విద్యార్థులు గెలిచారు. ప్ర‌భుత్వ పాలికెట‌క్నిక్ కాలేజీల‌ను శ‌క్తి శాఖ ప‌రిధిలో చేర్చాల‌న్న జీవో 97పై వెన‌క్కి త‌గ్గి ఉన్న‌త విద్యాశాఖ‌లోనే కొన‌సాగించేలా స‌వ‌ర‌ణ‌లు చేస్తూ జీవో 157ను జారీ చేసింద‌న్నారు. ఈ సంద‌ర్భంగా పాలిటెక్నిక్ కాలేజీల అధ్యాప‌కులకు, విద్యార్థుల‌కు అభినంద‌న‌లు తెలిపారు. రేవంత్ రెడ్డి గారు.. ప్రతి తప్పుడు నిర్ణయాన్ని సరిదిద్దడానికి విద్యార్థులు ఇంత కష్టపడి ఎందుకు పోరాడాల్సి వస్తోంది? విద్యార్థుల భవిష్యత్తు ప్రయోగాలకు వేదిక కాకూడదు. వారి భవిష్యత్తును ప్రభావితం చేసే ప్రతి నిర్ణయం బాధ్యతాయుతంగా, ఆలోచనాత్మకంగా ఉండాలి అని హ‌రీశ్‌రావు పేర్కొన్నారు.