Harish Rao | పోలీసులపై అసత్య ప్రచారం.. ఫేక్ న్యూస్‌పై మండిపడ్డ హరీష్ రావు

బాధ్యులపై డీజీపీ తక్షణ చర్యలు తీసుకోవాలని డిమాండ్

Harish Rao | త్రినేత్ర‌.న్యూస్ : పోలీసు వ్యవస్థపై కొందరు ఉద్దేశపూర్వకంగా ఫేక్ వార్తలను సృష్టించి, సోషల్ మీడియాలో ప్రచారం చేయడాన్ని మాజీ మంత్రి హరీష్ రావు తీవ్రంగా ఖండించారు. తన పేరుతో సర్క్యులేట్ అవుతున్న న్యూస్ క్లిప్పింగ్ పూర్తిగా అబద్ధమని, అది ఉద్దేశపూర్వకంగా తప్పుదారి పట్టించేలా ఉందని మండిపడ్డారు.

ఒక వ్యవస్థ ప్రతిష్టను దెబ్బతీసేలా కొందరు ఇలా వ్యవహరిస్తుంటే.. పోలీసులు ఎందుకు పట్టించుకోవడంలేదని, వారిపై ఎందుకు చర్యలు తీసుకోవడం లేదని ఆయన ప్రశ్నించారు. ముఖ్యమంత్రి రేవంత్ రెడ్డి అండ చూసుకునే ఈ ఫేక్ న్యూస్ ముఠాలు ఇలా రెచ్చిపోతున్నాయన్నారు.

ఈ ఫేక్ వార్తలకు కారణమైన వారిని వెంటనే గుర్తించి, కఠిన చర్యలు తీసుకోవాలని డీజీపీని డిమాండ్ చేశారు. తెలంగాణ ప్రజలను, పోలీసులను తప్పుదోవ పట్టించే ఇలాంటి తప్పుడు వార్తలు మంచిది కాదని హ‌రీశ్‌రావు అన్నారు.