Heat Wave | వామ్మో ఇవేం ఎండ‌లు.. 44 డిగ్రీల‌కు పైగా ఉష్ణోగ్ర‌త‌లు న‌మోదు..!

Heat Wave | త్రినేత్ర‌.న్యూస్ : రాష్ట్రంలో ఎండ‌లే ఎండ‌లు.. తెలంగాణ న‌లువైపులా భానుడు భ‌గ‌భ‌గ‌మంటున్నాడు. సూర్యుడి ప్ర‌తాపానికి ముఖ్యంగా రైతులు, కూలీలు, కార్మికులు విలవిల‌లాడిపోతున్నారు. ఎక్క‌డా చూసిన 44 డిగ్రీల‌కు త‌క్కువ‌గా ఉష్ణోగ్ర‌త‌లు న‌మోదు కావ‌డం లేదు. దీంతో ఉక్క‌పోత మ‌రింత ఎక్కువైంది. ప‌లువురు వ‌డ‌దెబ్బ బారిన ప‌డి ఆస్ప‌త్రుల పాల‌వుతున్నారు.

హైద‌రాబాద్ న‌గ‌రంతో పాటు సంగారెడ్డి, వికారాబాద్, రంగారెడ్డి, మేడ్చ‌ల్ మ‌ల్కాజ్‌గిరి జిల్లాల్లో 40 డిగ్రీల‌కు పైగానే ఉష్ణోగ్ర‌త‌లు న‌మోదవుతున్నాయి. ప‌గ‌టి ఉష్ణోగ్ర‌త‌లు భారీగా న‌మోద‌వుతున్న నేప‌థ్యంలో ప్ర‌జ‌లు విల‌విల‌లాడిపోతున్నారు.

ఆదిలాబాద్, ఆసిఫాబాద్, నిర్మ‌ల్, నిజామాబాద్, జ‌గిత్యాల‌, మంచిర్యాల‌, భూపాల‌ప‌ల్లి, కామారెడ్డి, పెద్ద‌ప‌ల్లి, ములుగు, కొత్త‌గూడెం జిల్లాల్లో 44 నుంచి 45 డిగ్రీలు, క‌రీంన‌గ‌ర్, న‌ల్ల‌గొండ‌, ఖ‌మ్మం, సూర్యాపేట‌, గ‌ద్వాల‌, వ‌న‌ప‌ర్తి, సిద్దిపేట‌, వ‌రంగ‌ల్ జిల్లాల్లో 43 నుంచి 44 డిగ్రీలు, హైద‌రాబాద్ న‌గ‌రంలో 41 నుంచి 43 డిగ్రీల‌కు పైగా ప‌గ‌టి ఉష్ణోగ్ర‌త‌లు న‌మోదు అవుతున్న‌ట్లు వాతావ‌ర‌ణ శాఖ సూచించింది.