Komatireddy Rajagopal Reddy | కేసీఆర్‌ను క‌విత తిట్ట‌డం నాకు బాధేసింది : ఎమ్మెల్యే కోమ‌టిరెడ్డి రాజ‌గోపాల్ రెడ్డి

Komatireddy Rajagopal Reddy | త్రినేత్ర‌.న్యూస్ : కూతురికి తండ్రి అంటే ప్రేమ ఉండాలి.. కానీ మొద‌టి స‌మావేశంలో తండ్రిని తిట్ట‌డంలో క‌ల్వ‌కుంట్ల క‌విత మ‌ర్యాద పోగొట్టుకుంద‌ని మునుగోడు కాంగ్రెస్ ఎమ్మెల్యే కోమ‌టిరెడ్డి రాజగోపాల్ రెడ్డి అన్నారు. ఉద్య‌మ‌కారుడు కేసీఆర్‌ను తిట్ట‌డం నాకు బాధేసింద‌ని పేర్కొన్నారు. చౌటుప్ప‌ల్‌లో రాజగోపాల్ రెడ్డి బుధ‌వారం మీడియాతో మాట్లాడారు.

కవిత పార్టీ పెట్టడం ఒక హాస్యాస్ప‌దంగా ఉంది. ఒక ఉద్యమకారుడి బిడ్డ అనే తనకు గుర్తు ఉంది. తండ్రికి విలువ ఇవ్వని మనిషి.. అమ్మ ఎలా అవుతది. తన అన్న మీద ఉన్న కోపం తండ్రి మీద తీయడం తప్పు అని కోమ‌టిరెడ్డి పేర్కొన్నారు.

మద్యం కుంభకోణంలో తనకు ఇంకా క్లీన్ చిట్ రాలేదు... కేసు పూర్తి కాలేదు. డబ్బులు ఉన్నాయని పార్టీ పెట్టడం అంటే పాన్ షాప్ పెట్టినంత సులువు అయ్యింది. టీఆర్ఎస్ పేరు మీదనే పార్టీ పెట్టడం హాస్యాస్పదం. పార్టీ ఏమో కానీ తను సొంతంగా పోటీ చేసిన దగ్గర డిపాజిట్ కూడా రాదు అని ఆయ‌న స్ప‌ష్టం చేశారు.

అధిష్టానం నాకు హామీ ఇచ్చింది. నాకు పదవి ఇస్తే కచ్చితంగా ఆ పదవికి న్యాయం చేస్తాన‌ని కోమ‌టిరెడ్డి పేర్కొన్నారు.