Komatireddy Rajagopal Reddy | అధికారంలో ఉండి ప్ర‌తిప‌క్ష ఎమ్మెల్యేలాగా నిధులు అడ‌గాల్సి వ‌స్తుంది

Komatireddy Rajagopal Reddy | త్రినేత్ర న్యూస్ : అధికారంలో ఉండి ప్రతిపక్ష ఎమ్మెల్యే లాగా నిధులు అడగాల్సి వస్తుంది అని మునుగోడు ఎమ్మెల్యే కోమ‌టిరెడ్డి రాజ‌గోపాల్ రెడ్డి మ‌రోసారి వివాదాస్ప‌ద వ్యాఖ్య‌లు చేశారు. బీఆర్ఎస్ వాళ్ళు పూడిక తీసిన చెరువుల్లో నీళ్ళు నిలిచి ఇప్పుడు రైతులకు ఉపయోగపడుతున్నాయని తెలిపారు. నిధులన్నీ ఉత్తమ్ కుమార్ రెడ్డి తీసుకుపోతున్నాడు అని ఆరోపించారు. ఉత్తమ్ కుమార్ రెడ్డి ఏం మంత్రి అయ్యా. ఆయన హుజూర్ నగర్‌కు మంత్రా లేదా తెలంగాణకు మంత్రా? మొత్తం నిధులన్నీ కోదాడ, హుజూర్ నగర్‌కే తీసుకుపోతున్నాడు అని కోమ‌టిరెడ్డి రాజగోపాల్ రెడ్డి నిప్పులు చెరిగారు.