Passport Mela | 21న పాస్‌పోర్టు మేళా.. వివ‌రాలివే..

Passport Mela | త్రినేత్ర న్యూస్ : పాస్‌పోర్ట్‌ సేవల కోసం ఎదురుచూస్తున్న దరఖాస్తుదారులకు ప్రాంతీయ పాస్‌పోర్ట్‌ కార్యాలయం( Passport Office ) గుడ్‌న్యూస్ వినిపించింది. ఈ నెల 21న పాస్‌పోర్టు మేళా( Passport Mela ) నిర్వ‌హించాల‌ని నిర్ణ‌యించింది. పెరుగుతున్న దరఖాస్తుల సంఖ్య, అపాయింట్‌మెంట్ల కోసం నెలకొన్న నిరీక్షణ సమయాన్ని దృష్టిలో ఉంచుకుని ప్రత్యేకంగా పాస్‌పోర్ట్‌ మేళా నిర్వహిస్తున్న‌ట్లు ప్రాంతీయ పాస్‌పోర్టు అధికారి ర‌చ్చ‌య్య వెల్ల‌డించారు. ఈ పాస్‌పోర్టు మేళాలో భాగంగా సాధారణ పాస్‌పోర్ట్‌, తత్కాల్ పాస్‌పోర్ట్‌, పోలీస్‌ క్లియరెన్స్‌ సర్టిఫికెట్‌ (పీసీసీ) సేవలకు సంబంధించి సుమారు 4 వేల అపాయింట్‌మెంట్లను అందుబాటులోకి తీసుకురానున్నట్టు చెప్పారు.

ఈ అపాయింట్‌మెంట్లను నవంబర్‌ 3 నుంచి విడుదల చేస్తామని వివరించారు. హైదరాబాద్‌ ప్రాంతీయ పాస్‌పోర్ట్‌ కార్యాలయం పరిధిలోని అన్ని పాస్‌పోర్ట్‌ సేవా కేంద్రాలు, పోస్టాఫీస్‌ పాస్‌పోర్ట్‌ సేవా కేంద్రాల పరిధిలో ఈ అపాయింట్‌మెంట్లు అందుబాటులో ఉంటాయన్నారు. పాస్‌పోర్ట్‌ సేవలను మరింత సమర్థవంతంగా, పారదర్శకంగా ప్రజలకు అందించడంతో పాటు దరఖాస్తుదారులకు నిరీక్షణ సమయాన్ని తగ్గించడమే ఈ ప్రత్యేక మేళా లక్ష్యమని ఆర్‌పీఓ వెల్లడించారు.