CM Cup – 2025 | సీఎం కప్ 2025 సెకండ్ ఎడిషన్ షురూ.. పోస్టర్ రిలీజ్ చేసిన రేవంత్ రెడ్డి

CM Cup - 2025 | తెలంగాణ సీఎం కప్ 2025 సెకండ్ ఎడిషన్ త్వరలో ప్రారంభం కానుంది. దీనికి సంబంధించిన పోస్టర్ను ముఖ్యమంత్రి రేవంత్ రెడ్డి ఆవిష్కరించారు. ఈ కార్యక్రమంలో మంత్రి వాకిటి శ్రీహరి, శాట్స్ చైర్మన్ శివసేనా రెడ్డి, స్పెషల్ సీఎస్ జయేష్ రంజన్, సీఎం ప్రిన్సిపల్ సెక్రటరీ శ్రీనివాసరాజు, ఎస్ఏటీజీ ఎండీ సోనీబాల పాల్గొన్నారు. గ్రామీణ స్థాయి క్రీడాకారులను ప్రోత్సహించడానికే గ్రామీణ స్థాయి క్రీడాకారులను ప్రోత్సహించడానికే ఈ పోటీలను తెలంగాణ ప్రభుత్వం నిర్వహిస్తోంది. గ్రామ స్థాయి పోటీలు ఈనెల 17 నుంచి ప్రారంభం కానుండగా, ఈ పోటీలు ఫిబ్రవరి 14 వరకు కొనసాగనున్నాయి. క్రీడా జ్యోతి ర్యాలీ ఈ పోటీలపై అవగాహన కల్పించేందుకు జనవరి 8,9,10, 11 తేదీల్లో ఆయా జిల్లా కేంద్రాల్లో క్రీడా జ్యోతి ర్యాలీలు నిర్వహించనున్నారు. ఈ సారి పోటీలు గ్రామం, మండలం, జిల్లా స్థాయిలతో పాటు తొలిసారి అసెంబ్లీ నియోజకవర్గ స్థాయిలో కూడా నిర్వహించనున్నారు. ఆసక్తి గత క్రీడాకారులు అధికారిక వెబ్సైట్ satg.telangana.gov.in లో రిజిస్టర్ చేసుకోవచ్చు. ఈ నెల 17 నుంచి 22 వరకు గ్రామ స్థాయిలో, 28 నుంచి 31 వరకు మండల స్థాయిలో, ఫిబ్రవరి 3 నుంచి 7 వరకు నియోజకవర్గ స్థాయి, ఫిబ్రవరి 10 నుంచి 14 వరకు జిల్లా స్థాయి, ఫిబ్రవరి 19 నుంచి 26 వరకు రాష్ట్ర స్థాయి పోటీలు జరగనున్నాయి. మొత్తం 44 రకాల క్రీడల్లో ఎస్ఏటీజీ పోటీలను నిర్వహించనుంది. [video width="848" height="480" mp4="https://axdxht1orlhu.compat.objectstorage.ap-hyderabad-1.oraclecloud.com/static.trinethra/wp-content/uploads/2026/01/WhatsApp-Video-2026-01-07-at-18.49.45.mp4"][/video]