CM Revanth Reddy | తిరుమ‌ల త‌ర‌హాలో నిబంధ‌న‌లు ఉండాలి.. బాసర ఆలయ అభివృద్ధిపై ముఖ్యమంత్రి రేవంత్ రెడ్డి సమీక్ష

CM Revanth Reddy | బాసర జ్ఞాన స‌ర‌స్వ‌తి ఆలయ అభివృద్ధిపై (Basara temple development) ఉన్నతాధికారులతో ముఖ్యమంత్రి రేవంత్ రెడ్డి (CM Revanth Reddy) సమీక్ష నిర్వ‌హించారు. ఈ సంద‌ర్భంగా ఆల‌య అభివృద్ధికి సంబంధించిన మాస్ట‌ర్ ప్లాన్‌పై ఉన్న‌తాధికారుల‌తో సీఎం చ‌ర్చించారు. ఈ స‌మీక్ష‌కు మంత్రి కొండా సురేఖ‌, ప్ర‌భుత్వ స‌ల‌హాదారు సుద‌ర్శ‌న్ రెడ్డి, ఎంపీ వేం న‌రేంద‌ర్ రెడ్డి, ప్ర‌భుత్వ ప్ర‌ధాన కార్య‌ద‌ర్శి రామ‌కృష్ణా రావు, సీఎం ప్రిన్సిప‌ల్ సెక్ర‌ట‌రీ శ్రీ‌నివాసరాజు, దేవాదాయ శాఖ ప్రిన్సిప‌ల్ సెక్ర‌ట‌రీ శైల‌జా రామ‌య్య‌ర్‌, క‌మిష‌న‌ర్ హ‌నుమంత‌రావు, ఇత‌ర ఉన్న‌తాధికారులు హాజ‌ర‌య్యారు.

ఆల‌య అభివృద్ధి అద్భుతంగా ఉండేలా చ‌ర్య‌లు తీసుకోవాల‌ని అధికారుల‌ను సీఎం ఆదేశించారు. భ‌క్తుల విశ్వాసాల‌ను గౌర‌విస్తూ, శాస్త్రం ప్ర‌కారం ఆల‌య అభివృద్ధి ఉండాల‌ని స్ప‌ష్టం చేశారు. భ‌విష్య‌త్తు అవ‌స‌రాల‌ను, ర‌ద్దీని దృష్టిలో ఉంచుకుని రోడ్లను విశాలంగా నిర్మించాల‌ని సూచించారు. ఆల‌య ప‌రిస‌రాల్లో ఈవీ వెహిక‌ల్స్‌ను మాత్ర‌మే వినియోగించేలా చ‌ర్య‌లు తీసుకోవాల‌న్నారు. ఆల‌య ప‌విత్ర‌త‌కు భంగం క‌ల‌గ‌కుండా నిబంధ‌న‌లు క‌ఠిన‌త‌రం చేయాల‌ని ఆదేశించారు. తిరుమ‌ల త‌ర‌హాలో అన్ని ఆల‌యాల ప‌రిస‌రాల్లో ఎలాంటి రాజ‌కీయ కార్య‌క‌లాపాలు జ‌ర‌గ‌కుండా నిబంధ‌న‌లు ఉండాల‌న్నారు. కాగా, ఈనెల 6న బాస‌ర ఆల‌య అభివృద్ధి ప‌నుల‌కు సీఎం శంకుస్థాప‌న చేయ‌నున్నారు. రూ.225 కోట్లతో ఆలయ అభివృద్ధి పనుల‌ను ప్రారంభించ‌నున్నారు.

Also Read..

అక్ష‌రాస్య‌త‌, పాల‌న‌లో మేం ముందున్నాం.. మీరు మాకు నీతులు చెబుతున్నారా..? రేవంత్ రెడ్డికి కేర‌ళ సీఎం కౌంటర్‌

మూసీ కేసు మూయలేదు. తెరిచే ఉంది. అసలు కథ మిగిలే ఉంది: ప‌ట్టోళ్ల కార్తీక్‌రెడ్డి

నాకు పార్టీ టికెట్ నిరాక‌రించ‌లేదు.. నేనే పోటీ చేయ‌డం లేదు : అన్నామ‌లై