NDDB | ఎన్‌డీడీబీ ఎగ్జిక్యూటివ్ డైరెక్ట‌ర్‌తో చంద్ర‌శేఖ‌ర్‌రెడ్డి, అమిత్‌రెడ్డి భేటీ

NDDB | త్రినేత్ర‌.న్యూస్‌: గుజ‌రాత్ రాష్ట్రంలోని ఆనంద్‌లో నేష‌న‌ల్ డెయిరీ డెవ‌ల‌ప్‌మెంట్ బోర్డ్ (NDDB) ఎగ్జిక్యూటివ్ డైరెక్ట‌ర్ ర‌ఘుప‌తితో ఎండీ చంద్ర‌శేఖ‌ర్‌రెడ్డితో క‌లిసి శ‌నివారం స‌మావేశ‌మైన‌ట్లు తెలంగాణ రాష్ట్ర డెయిరీ అభివృద్ధి కోఆప‌రేటివ్ ఫెడ‌రేష‌న్ చైర్మ‌న్ గుత్తా అమిత్‌రెడ్డి తెలిపారు. విజయ మెగా డెయిరీలో ఉత్పత్తుల తయారీ సామర్థ్యాల విస్తరణ, ఆధునికీకరణ, మౌలిక సదుపాయాల అభివృద్ధిపై ఆయ‌న‌తో చ‌ర్చించిన‌ట్లు పేర్కొన్నారు.

దీంతో పాటు పాడి రైతుల ప్రయోజనాలకు సంబంధించిన పలు కీలక అంశాలపై కూడా మాట్లాడిన‌ట్లు వివ‌రించారు. ఈ సందర్భంగా తెలంగాణ విజయ డెయిరీ అభివృద్ధికి ఎన్‌డీడీబీ తరఫున పూర్తి సహకారం అందిస్తామని రఘుపతి హామీ ఇవ్వడం సంతోష‌క‌ర‌మ‌న్నారు. ఈ మేర‌కు ఆయ‌న ఎక్స్ వేదిక‌గా స్పందించారు.