Harish Rao | మీ డ్రెస్ బాగుంది స‌ర్‌.. స్పీకర్‌ను పొగ‌డ్త‌ల‌తో ముంచెత్తిన హ‌రీశ్‌రావు

Harish Rao | త్రినేత్ర‌.న్యూస్ : ఇవాళ శాస‌న‌స‌భ ప్రారంభం కాగానే బీఆర్ఎస్ఎల్పీ డిప్యూటీ ఫ్లోర్ లీడ‌ర్ హ‌రీశ్‌రావు త‌న‌దైన శైలిలో స‌భ‌లో న‌వ్వులు పూయించారు. మీ డ్రెస్ బాగుంది స‌ర్ అంటూ స్పీక‌ర్‌ను హ‌రీశ్‌రావు ప్ర‌శంసించారు.

స‌భ‌లోకి స‌రిగ్గా ఉద‌యం 10 గంట‌ల‌కు స్పీక‌ర్ గ‌డ్డం ప్ర‌సాద్ కుమార్ అడుగు పెట్ట‌గానే.. హ‌రీశ్‌రావు స్పందిస్తూ ఇవాళ షార్ప్ టెన్ స‌ర్ కంగ్రాట్స్ అని పేర్కొన్నారు.

మీ ద‌య వ‌ల్ల‌నే అని స్పీక‌ర్ న‌వ్వుతూ బ‌దులిచ్చారు. మ‌ళ్లీ హ‌రీశ్‌రావు స్పీక‌ర్ డ్రెస్‌ను ఉద్దేశించి.. మీ డ్రెస్ బాగుంది స‌ర్ అంటూ పొగ‌డ్త‌ల‌తో ముంచెత్తారు. థ్యాంక్యూ అని స్పీక‌ర్ చెప్పారు. నేను టైమ్‌కు వ‌ద్దామ‌నుకున్న‌ప్పుడు ప్ర‌తిప‌క్షాలు, స్వ‌ప‌క్షాలు వ‌చ్చి విన‌తులు ఇచ్చిన‌ప్పుడు ఒక‌ట్రెండు నిమిషాలు ఆల‌స్యం అవుతుంది అంతే అని స్పీక‌ర్ పేర్కొన్నారు.