Bandi Bageerath | బండి భ‌గీర‌థ్ బెయిల్ పిటిష‌న్ విచార‌ణ‌.. జులై 3కి వాయిదా

Bandi Bageerath | త్రినేత్ర‌.న్యూస్ : కేంద్ర మంత్రి బండి సంజ‌య్ కుమారుడు బండి భ‌గీర‌థ్ బెయిల్ పిటిష‌న్‌పై బుధ‌వారం హైకోర్టులో విచార‌ణ జ‌రిగింది. విచార‌ణ సంద‌ర్భంగా ఫిర్యాదుదారుకు హైకోర్టు నోటీసులు జారీ చేసింది. అనంత‌రం విచార‌ణ‌ను జులై 3వ తేదీకి కోర్టు వాయిదా వేసింది. పోక్సో కేసులో అరెస్టు అయిన బండి భ‌గీర‌థ్ ప్ర‌స్తుతం రిమాండ్ ఖైదీగా చ‌ర్ల‌ప‌ల్లి సెంట్ర‌ల్ జైలులో ఉన్నారు.

ఇక భగీరథ్ తాను దాఖలు చేసిన బెయిల్ పిటిషన్‌లో పలు కీలక అంశాలను హైకోర్టు దృష్టికి తీసుకొచ్చారు. ఈ కేసుతో తనకు ఎలాంటి సంబంధం లేదని, తాను పూర్తిగా నిర్దోషినని ఆయన పిటిషన్‌లో పేర్కొన్నారు. తనపై నమోదైన ఈ కేసు పూర్తిగా రాజకీయ ప్రేరేపితమైనదని, రాజకీయ ప్రయోజనాల కోసమే తప్పుడు ఆరోపణలు చేశారని తెలిపారు. ఇప్పటికే విచారణలో భాగంగా పోలీసులు అడిగిన ప్రశ్నలకు సమాధానం ఇస్తూ, కేసు నమోదైనప్పటి నుంచి దర్యాప్తునకు పూర్తి స్థాయిలో సహకరించానని.. ఈ క్రమంలో తనకు కేసులో వెంటనే బెయిల్ మంజూరు చేయాలని భగీరథ్ తన పిటిషన్‌లో పేర్కొన్నారు.