Mohammed Ali Shabbir | షబ్బీర్ అలీపై ఏఐసీసీ సీరియస్.. షోకాజ్ నోటీసులు జారీ

Mohammed Ali Shabbir | త్రినేత్ర‌.న్యూస్ : కాంగ్రెస్ సీనియ‌ర్ నేత ష‌బ్బీర్ అలీ వ్య‌వ‌హారంపై ఏఐసీసీ తీవ్రంగా స్పందించింది. మ‌హిళ‌ల‌పై అనుచిత వ్యాఖ్య‌లు, ఆరోప‌ణ‌లు చేసిన ష‌బ్బీర్ అలీకి ఏఐసీసీ క్ర‌మ‌శిక్ష‌ణా క‌మిటీ షోకాజ్ నోటీసులు జారీ చేసింది. అయితే మ‌హిళ‌ల‌పై ష‌బ్బీర్ అలీ చేసిన ఆరోప‌ణ‌ల వీడియో సోష‌ల్ మీడియాలో వైర‌ల్ అయింది.

ఈ వైరల్ అయిన ఆడియోలో షబ్బీర్ అలీ, టీ పీసీసీ అధ్య‌క్షుడు మహేశ్ కుమార్ గౌడ్‌తో పాటు మహిళలపై తీవ్ర వ్యాఖ్యలు చేశారు. ఈ ఆడియో సోషల్ మీడియాలో వైరల్ కావడంతో కాంగ్రెస్ పెద్దలు తీవ్ర ఆందోళన వ్యక్తం చేశారు. ఈ నేపథ్యంలో ఏఐసీసీ క్రమశిక్షణ కమిటీ షబ్బీర్ అలీకి షోకాజ్ నోటీసులు జారీ చేసింది. పార్టీ ప్రతిష్ఠకు భంగం కలిగించేలా ఆయన ఈ వ్యాఖ్యలు చేయడంపై వివరణ ఇవ్వాలని హుకుం జారీ చేసింది. పార్టీ అంతర్గత వ్యవహారాలను పబ్లిక్‌లో చర్చకు తీసుకురావడంపై కూడా ఏఐసీసీ అసంతృప్తి వ్యక్తం చేసింది.