Golgappa Incident | పానిపూరి తింటూ లాకైన దవడ.. నోరు తెరిచినట్లే ఉండిపోయిన మహిళ.. ఆసుపత్రికి పరుగులు

• ఉత్తరప్రదేశ్‌లోని ఔరయ్యాలో ఓ మహిళకు ఎదురైన వింత అనుభవం
• పెద్ద సైజు పానిపూరీలు (గోల్‌గప్పా) తినే క్రమంలో ఒక్కసారిగా లాక్ అయిన దవడ
• ఎంత ప్రయత్నించినా నోరు మూసుకోకపోవడంతో హుటాహుటిన ఆసుపత్రికి తరలింపు
• స్థానిక వైద్యులు దవడను సెట్ చేయలేకపోవడంతో పెద్ద ఆసుపత్రికి రిఫర్

Golgappa Incident | త్రినేత్ర.న్యూస్ : ఉత్తరప్రదేశ్ (Uttar Pradesh) లోని ఔరయ్యాలో ఓ వింత ఘటన చోటుచేసుకుంది. ఎంతో ఇష్టంగా తినే పానిపూరి (Panipuri) ఓ మహిళను ఏకంగా ఆసుపత్రి పాలు చేసింది. పెద్ద సైజు గోల్‌గప్పా తినే క్రమంలో ఆమె దవడ ఇరుక్కుపోయి, నోరు తెరిచినట్లే ఉండిపోయింది. స్థానికంగా ఈ ఘటన తీవ్ర చర్చనీయాంశంగా మారింది.

ఏరికోరి మరీ పెద్ద సైజువి

ఆ మహిళకు ఉదయం నుంచే గోల్‌గప్పాలు తినాలని బాగా క్రేవింగ్ (Craving) మొదలైంది. భర్తను అడిగితే ఆయన పట్టించుకోలేదు. దీంతో, స్వయంగా తానే బజారుకు వెళ్లిపోయింది. పానిపూరి బండి వద్దకు వెళ్లి "భయ్యా.. నాకు పెద్ద సైజు గోల్‌గప్పాలు మాత్రమే కావాలి" అని అడిగింది. అందులో చిన్నవాటిని పక్కనపెట్టి, ఏరికోరి మరీ పెద్ద సైజువి ఎంచుకుని సుమారు 10 పానిపూరీలను ఎంతో ఇష్టంగా లాగించేసింది.

ఆఖరి గోల్‌గప్పాతో అసలు చిక్కు

అలా ఆస్వాదిస్తూ తింటున్న క్రమంలో ఆఖరి గోల్‌గప్పా (Golgappa) మొత్తం సీన్ మార్చేసింది. ఆ పెద్ద పానిపూరిని నోట్లో పెట్టుకోగానే ఆమె దవడ (Jaw) ఒక్కసారిగా లాక్ అయిపోయింది. ఎంత ప్రయత్నించినా నోరు మూసుకోవడం సాధ్యం కాలేదు, అలా తెరిచే ఉండిపోయింది. ఇది చూసి చుట్టుపక్కల ఉన్నవారు సైతం షాక్ అయ్యారు.

పెద్ద ఆసుపత్రికి రిఫర్

వెంటనే కంగారు పడిన ఆమె.. తన భర్తకు ఫోన్ చేసింది. ఆయన హుటాహుటిన అక్కడికి చేరుకుని ఆమెను స్థానిక ఆసుపత్రికి (Hospital) తీసుకెళ్లాడు. అక్కడి డాక్టర్లు ఎంత ట్రై చేసినా ఆమె దవడ సెట్ కాలేదు. పరిస్థితిలో మార్పు రాకపోవడంతో, మెరుగైన వైద్యం కోసం డాక్టర్లు ఆమెను పెద్ద ఆసుపత్రికి రిఫర్ చేశారు. ఒక చిన్న పానిపూరి ఏకంగా ఆసుపత్రికి పరిగెత్తించడం ఇప్పుడు నెట్టింట (Social Media) హాట్ టాపిక్‌గా మారింది.

उत्तर प्रदेश के औरैया में एक महिला का सुबह से ही गोलगप्पे खाने का मन था। पति से बोलीं – मुझे गोलगप्पे खाने हैं। पति ने नहीं सुना। फिर मैडम खुद बाजार पहुंच गईं।

गोलगप्पे वाले से बोलीं – भैया, बड़े-बड़े गोलगप्पे खिलाना। छोटे देखकर खुद बड़े-बड़े छांट लिए और बोलीं – अब ये वाला… pic.twitter.com/zNEpzrXPm9

— Mandeep RajBhar (@MandeepRajBhar9) August 15, 2026