ACB Raids | హ‌నుమ‌కొండ అద‌న‌పు క‌లెక్ట‌ర్ నివాసాల్లో ఏసీబీ సోదాలు

త్రినేత్ర‌.న్యూస్‌: ఆదాయానికి మించిన ఆస్తుల ఆరోప‌ణ‌ల‌తో హ‌నుమ‌కొండ (Hanumakonda) అద‌న‌పు క‌లెక్ట‌ర్ వెంక‌ట్‌రెడ్డి (Venkat Reddy) నివాసాల్లో ఏసీబీ దాడులు (ACB Raids) చేస్తున్న‌ది. హైద‌రాబాద్, రంగారెడ్డి, వ‌రంగ‌ల్‌, న‌ల్ల‌గొండ‌, మిర్యాల‌గూడ‌లోని నివాసాల్లో అధికారులు సోదాలు చేస్తున్నారు. ఆయ‌న బంధువ‌ల ఇండ్ల‌లోని త‌నిఖీలు నిర్వ‌హిస్తున్నారు. మొత్తం ప‌దిచోట్ల సోదాలు చేస్తున్నారు. ఈ సంద‌ర్భంగా పెద్ద‌మొత్తంలో డ‌బ్బు, బంగారం, ఆస్తుల‌కు సంబంధించిన ప‌త్రాల‌ను ఏసీబీ అధికారులు గుర్తించారు.

గ‌త నెల‌లో ఓ పాఠ‌శాల‌కు అనుమ‌తి విష‌యంలో రూ.60 వేలు లంచం తీసుకుంటూ ఏసీబీకి వెంక‌ట్‌రెడ్డి రెడ్‌హ్యాండెడ్‌గా ప‌ట్టుబ‌డ్డారు. దీంతో ఇప్ప‌టికే స‌స్పెన్ష‌న్‌లో ఉన్నారు. ఆయ‌న ఆస్తుల‌పై నిఘాపెట్టిన ఏసీబీ.. భారీగా ఆస్తులు ఉన్న‌ట్లు గుర్తించింది. గ‌తేడాది డిసెంబ‌ర్ 6న కూడా వెంక‌ట్‌రెడ్డి నివాసంపై అధికారులు దాడిచేశారు. ఈ సంద‌ర్భంగా పెద్ద‌మొత్తంలో న‌గ‌దు, విదేశీ మ‌ద్యం స్వాదీనం చేసుకున్నారు. ఈ నేప‌థ్యంలోనే ఆయ‌న నివాసాల‌పై దాడులు నిర్వ‌హిస్తున్న‌ది.