బీటెక్ చదివారా? ఇండియన్ ఆర్మీలో టెక్ ఇంటర్న్‌షిప్ మీకోసమే.. రోజుకు వెయ్యి స్టైపెండ్

ఇండియన్ ఆర్మీలో పని చేయాలని ఎవరికి ఉండదు చెప్పండి. భారతదేశంలో పుట్టినందుకు మన గడ్డ కోసం పని చేయాలని అందరూ అనుకుంటారు కానీ అందరికీ అవకాశాలు రావు. ఫిట్గా ఉండాలి, శత్రువులను ఎదుర్కొనే ధైర్యం ఉండాలి, ఎలాంటి వాతావరణ పరిస్థితుల్లో అయినా పని చేయగల సత్తా ఉండాలి. అటువంటి వాళ్లకే ఇండియన్ ఆర్మీ ప్రాధాన్యత ఇస్తుంది. కానీ, తాజాగా ఇండియన్ ఆర్మీ విడుదల చేసిన నోటిఫికేషన్ బీటెక్ చదివిన స్టూడెంట్స్ కోసం. బీటెక్ లేదా ఎంటెక్ చివరి సంవత్సరం చదువుతున్న విద్యార్థులు కూడా ఈ ఇంటర్న్షిప్కి దరఖాస్తు చేసుకోవచ్చు. టెక్నాలజీలో నైపుణ్యం ఉన్న యువత ఈ ఇంటర్న్షిప్కి దరఖాస్తు చేసుకోవచ్చు. దీన్నే హైటెక్ ఇంటర్న్షిప్ ప్రోగ్రామ్గా ఇండియన్ ఆర్మీ డిజైన్ చేసింది. ఈ ఇంటర్న్షిప్ 75 రోజుల పాటు ఉంటుంది. జనవరి 12, 2026 నుంచి మార్చి 27, 2026 వరకు ఇంటర్న్షిప్లో పాల్గొనాలి. ఈ సమయంలో రోజుకి రూ.1000 స్టైపెండ్ అందజేస్తారు. న్యూఢిల్లీ లేదా బెంగళూరులో పని చేయాల్సి ఉంటుంది. అర్హతలు ఇవే కంప్యూటర్ సైన్స్, ఐటీ, డేటా సైన్స్ లేదా ఎలక్ట్రానిక్స్ విభాగాల్లో చివరి సంవత్సరం చదువుతున్న లేదా చదివిన బీఈ/బీటెక్, ఎంటెక్ అభ్యర్థులు అర్హులు. సంబంధిత రంగాల్లో రీసెర్చ్ చేస్తున్న పీహెచ్డీ స్కాలర్స్ కూడా అర్హులే. పని చేయాల్సిన రంగాలు ఇవే ఇంటర్న్షిప్కి ఎంపికైన అభ్యర్థులు ఆర్టిఫిషియల్ ఇంటెలిజెన్స్, మెషిన్ లెర్నింగ్, క్లౌడ్ కంప్యూటింగ్, సైబర్ సెక్యూరిటీ, డిజిటల్ ఇన్ఫ్రాస్ట్రక్చర్ లాంటి టెక్నాలజీలపై ఇండియన్ ఆర్మీ బృందాలతో కలిసి ఇండియన్ ఆర్మీకి సంబంధించిన సాఫ్ట్వేర్స్లో అత్యాధునిక భద్రతతో కూడిన అప్లికేషన్లను డెవలప్ చేయాల్సి ఉంటుంది. దరఖాస్తు విధానం ఆసక్తి గల అభ్యర్థులు ఇండియన్ ఆర్మీ వెబ్సైట్లోకి వెళ్లి ఆన్లైన్ ద్వారా దరఖాస్తు చేసుకోవాలి. డిసెంబర్ 21, 2025 లోపు దరఖాస్తు చేసుకోవాలి. View this post on Instagram A post shared by Indian Army (@indianarmy.adgpi)