Lucknow T20 | ల‌క్నో టీ20 మ్యాచ్ టిక్కెట్ డ‌బ్బు రీఫండ్ చేయాలని ఫ్యాన్స్ డిమాండ్‌.. బీసీసీఐ ఏమ‌న్న‌దంటే..?

Lucknow T20 | భారత్, సౌతాఫ్రికా జట్ల మధ్య లక్నోలో జరగాల్సిన 4వ టీ20 తీవ్రమైన పొగ మంచు కారణంగా రద్దైన విషయం తెలిసిందే. ఇప్పటికే ఈ సిరీస్లో 2-1తో ఆధిక్యంలో ఉన్న భారత జట్టు 4వ టీ20లో గెలిచి సిరీస్ను కైవసం చేసుకోవాలని ఆశించింది. కానీ ఆ ఆశ అడియాశే అయింది. లక్నో ఏకనా స్టేడియంలో మ్యాచ్కు ముందు నుంచే తీవ్రమైన పొగ మంచు అడ్డంకిగా నిలిచింది. ఈ క్రమంలో అంపైర్లు టాస్ ను వాయిదా వేస్తూ ఎప్పటికప్పుడు పరిస్థితిని సమీక్షించారు. అలా వారు 6 సార్లు మ్యాచ్ను వాయిదా వేశారు. అయినప్పటికీ పరిస్థితిలో ఎలాంటి మార్పు లేకపోవడంతో చివరకు మ్యాచ్ను రద్దు చేస్తున్నట్లు ప్రకటించారు. దీంతో మ్యాచ్ చూద్దామని ఎంతో ఆశగా స్టేడియంకు చేరుకున్న అభిమానులు ఉసూరుమంటూ వెనుదిరిగారు. ఈ క్రమంలోనే వారు మ్యాచ్ రద్దు అయింది కాబట్టి తమ టిక్కెట్లకు సంబంధించి రీఫండ్ ఇవ్వాలని డిమాండ్ చేశారు. అయితే ఈ విషయంపై బీసీసీఐ స్పందించింది. ఈ మేరకు బీసీసీఐ కార్యదర్శి దేవజిత్ సైకియా మాట్లాడుతూ లక్నో ఏకనా స్టేడియంలో మ్యాచ్ నిర్వహణ బాధ్యతలు మొత్తం ఉత్తర ప్రదేశ్ క్రికెట్ అసోసియేషన్ (యూపీసీఏ)కు అప్పగించామని తెలిపారు. కనుక టిక్కెట్ల రీఫండ్ కూడా వారే చెల్లించాల్సి ఉంటుందని చెప్పారు. అయితే దీనిపై యూపీసీఏ ఇంకా స్పందించలేదు. కానీ నిబంధనల ప్రకారం ఒక్క బంతి కూడా పడకుండా మ్యాచ్ రద్దు అయితే టిక్కెట్ రుసుమును స్టేడియం వారు ప్రేక్షకులకు తిరిగి ఇవ్వాల్సి ఉంటుంది. ఈ క్రమంలోనే యూపీసీఏ దీనిపై ప్రకటన జారీ చేసే అవకాశం ఉందని భావిస్తున్నారు. అయితే ఈ సీజన్ లో ఉత్తరాదిలో చలి తీవ్రత అధికంగా ఉంటుందని, మంచు కూడా ఎక్కువగానే ఉంటుందని, ఈ విషయాలు తెలిసి కూడా అక్కడ మ్యాచ్ ఎలా నిర్వహించారని ఫ్యాన్స్ బీసీసీని ప్రశ్నిస్తున్నారు. బీసీసీఐ వారు తీవ్ర ఆగ్రహం వ్యక్తం చేస్తున్నారు. ఇక ఇరు జట్ల మధ్య ఐదోది చివరిది అయిన టీ20 మ్యాచ్ 19వ తేదీ శుక్రవారం అహ్మదాబాద్లో జరగనుంది. అయితే ఈ మ్యాచ్కు కూడా పొగ మంచు అడ్డంకిగా మారే అవకాశం ఉందని భావిస్తున్నారు. అయితే దీనిపై రేపటి మ్యాచ్లో స్పష్టత వస్తుంది. ఇక ఈ సిరీస్లో తొలి టీ20ని కటక్లో నిర్వహించగా అందులో భారత్ 101 పరుగుల తేడాతో విజయం సాధించింది. అలాగే ముల్లన్పూర్లో నిర్వహించిన రెండో టీ20లో సఫారిలు 51 పరుగుల తేడాతో గెలుపొందారు. మూడో టీ20ని ధర్మశాలలో నిర్వహించగా భారత్ ఇందులో విజయం సాధించింది. ఈ క్రమంలో సిరీస్లో 2-1 ఆధిక్యంతో కొనసాగుతోంది. అయితే చివరి టీ20 మ్యాచ్లో సఫారిలు గెలిచినా సిరీస్ డ్రా అవుతుంది. అంటే ఈ సిరీస్ ఇక భారత్ చేజారే అవకాశం లేదన్నమాట. ఇక ఈ సిరీస్ అనంతరం జనవరిలో న్యూజిలాండ్ జట్టు భారత పర్యటనకు రానుంది. ఆ టూర్లో వారు భారత్తో 3 వన్డేలు, 5 టీ20లు ఆడనున్నారు.

Lucknow T20 | ల‌క్నో టీ20 మ్యాచ్ టిక్కెట్ డ‌బ్బు రీఫండ్ చేయాలని ఫ్యాన్స్ డిమాండ్‌.. బీసీసీఐ ఏమ‌న్న‌దంటే..?

FOLLOW US

ట్యాగ్స్:

సంబంధిత వార్తలు

INDW Vs SLW | స‌త్తా చాటిన భార‌త్‌.. లంక‌పై టీ20 సిరీస్ క్లీన్ స్వీప్‌..

Hardik Pandya | హార్దిక్ పాండ్యా టెస్టుల్లోకి వ‌స్తాడా..? ఆ ఒక్క‌టే మిగిలింది..!

Smriti Mandhana | మ‌రో అరుదైన రికార్డు సాధించిన స్మృతి మంధాన‌.. 10వేల ప‌రుగుల క్ల‌బ్ లో చేరిక‌..

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Zodiac Signs | 2026లో ఆ రాశి రాజ‌కీయ నేత‌ల‌కు మంచి రోజులు.. హంస యోగంతో అధికార పీఠం వైపు..!

INDW Vs SLW | స‌త్తా చాటిన భార‌త్‌.. లంక‌పై టీ20 సిరీస్ క్లీన్ స్వీప్‌..

Zodiac Sign | 2026లో ఈ రాశి విద్యార్థుల‌కు అన్ని విజ‌యాలే..! యూపీఎస్సీ ఫ‌లితాల్లో స‌క్సెస్ అవుతార‌ట‌..!!

POPULAR LINKS

BSNL | బీఎస్ఎన్ఎల్‌ క‌స్ట‌మ‌ర్ల‌కు గుడ్ న్యూస్‌.. త్వ‌ర‌లోనే 5జి సేవ‌లు..

Riddhi Kumar | రాజాసాబ్ కంటే ముందు ప్ర‌భాస్‌తో హీరోయిన్ రిద్ది కుమార్ చేసిన సినిమా ఏదో తెలుసా?