లోడ్ అవుతోంది...
Pradeep Manthri
Sports | Jan 14, 2026, 5.03 pm IST
Team India | టీమిండియా హెడ్కోచ్ గౌతమ్ గంభీర్, సీనియర్ ప్లేయర్స్ విరాట్ కోహ్లీ, రోహిత్ శర్మకు మధ్య విభేదాలు ఉన్నట్లుగా ప్రచారం జరుగుతున్నది. అయితే, మీడియాలో వస్తున్న ఊహాగానాలపై బ్యాటింగ్ కోచ్ సితాన్షు కొటక్ స్పందించారు. గంభీర్, విరాట్, రోహిత్ మధ్య ఎలాంటి విభేదాలు కానీ కమ్యూనికేషన్ లోపం లేదని ఆయన స్పష్టం చేశారు. రోహిత్, విరాట్తో 2027 వరల్డ్ కప్ ప్రణాళికలతో పాటు రాబోయే వన్డే ఫార్మాట్, రాబోయే మ్యాచులపై క్రమం తప్పకుండా చర్చిస్తాడని.. చాలాసార్లు తాను అక్కడే ఉన్నానని తెలిపారు. ఇద్దరు ప్లేయర్లు తమ అనుభావాలను పంచుకుంటారని వివరించారు. గత కొన్ని నెలలుగా గంభీర్, మాజీ కెప్టెన్లు రోహిత్, కోహ్లీల మధ్య కమ్యూనికేషన్ తగ్గిందని, డ్రెస్సింగ్ రూమ్లో విభేదాలున్నట్లుగా ప్రచారం జరుగుతున్నది.
గంభీర్కు దూరంగా కోహ్లీ ఉన్నట్లుగా సోషల్ మీడియాలో వీడియోలు వైరల్ అయిన విషయం తెలిసిందే. వాటన్నింటిని బ్యాటింగ్ కోచ్ ఖండించారు. సోషల్ మీడియాలో విషయాలపై వార్తలు వస్తుంటాయని.. వాటిని చూడకుండా ఉండేందుకే తాను ప్రయత్నిస్తానని పేర్కొన్నారు. ఇద్దరికీ చాలా అనుభవం ఉందని, వారి సన్నాహాలను వారే చూసుకుంటారని తెలిపారు. ఇద్దరూ అనువజ్ఞులని, వారి ప్రణాళికలు వారికి ఉంటాయని.. అవసరమనిపిస్తే ముందుగానే వెళ్లి ప్రాక్టీస్ చేస్తారన్నారు. జట్టులో భాగమైన సమయంలో.. అన్ని సమయాల్లో జట్టు గెలువాలని కోరుకుంటారన్నారు. వారికి ఏం అవసరమో.. ఫిట్నెస్ అవసరాలు ఏంటో వారికి తెలుసునన్నారు. వారే ఇతర ప్లేయర్లకు సలహాలు సూచనలు ఇస్తారని సితాన్షు కొటక్ చెప్పుకొచ్చారు.
జనవరి 14, 2026
జనవరి 13, 2026
జనవరి 11, 2026
Developed & Published by TRINETHRA MEDIA HOUSE PVT. LTD,
Sai Madhu Towers, Plot No. 17, Rohini Layout Rd, Jaihind Enclave, Madhapur, Hyderabad, Telangana 500081.
Copyright © 2025 . All rights reserved. - Powered by : Veegam