WPL 2026 | డ‌బ్ల్యూపీఎల్ తొలి మ్యాచ్‌.. బోణీ కొట్టిన ఆర్‌సీబీ వుమెన్స్ జ‌ట్టు..

WPL 2026 | ముంబైలోని డీవై పాటిల్ స్టేడియం వేదికగా నిర్వహించిన వుమెన్స్ ప్రీమియర్ లీడ్ (డబ్ల్యూపీఎల్) 2026 టోర్నీ మొదటి మ్యాచ్లో ముంబై ఇండియన్స్ వుమెన్ జట్టుపై రాయల్ చాలెంజర్స్ బెంగళూరు వుమెన్ జట్టు ఘన విజయం సాధించింది. ముంబై ఇండియన్స్ వుమెన్ జట్టు నిర్దేశించిన లక్ష్యాన్ని ఛేదించే క్రమంలో ఆర్సీబీ వుమెన్స్ జట్టు ఆరంభంలో కాస్త దూకుడును ప్రదర్శించినా ఆ తరువాత వరుసగా వికెట్లను కోల్పోయింది. అయితే నదిన్ డి క్లర్క్, అరుంధతి రెడ్డి నిలదొక్కుకుని ఇన్నింగ్స్ను చక్కదిద్దారు. అయినప్పటికీ చివరి ఓవర్లో భారీగా పరుగులు చేయాల్సి వచ్చింది. అయితే నదిన్ డి క్లర్క్ మాత్రం ఆకాశమే హద్దుగా చెలరేగిపోయింది. ఈ క్రమంలో చివరి ఓవర్లో ఆమె బంతి బంతికి బౌండరీ బాదుతూ 6 బంతుల్లోనే 18 పరుగులు సాధించి అర్ధ సెంచరీని పూర్తి చేసుకోవడమే కాకుండా జట్టుకు మరుపురాని విజయాన్ని అందించింది. దీంతో ఎంఐ వుమెన్స్ జట్టుపై ఆర్సీబీ వుమెన్స్ జట్టు 3 వికెట్ల తేడాతో గెలుపొందింది. ఆల్ రౌండర్గా ప్రతిభ చూపిన నదిన్ డి క్లర్క్కు ప్లేయర్ ఆఫ్ ది మ్యాచ్ అవార్డు లభించింది. మ్యాచ్లో టాస్ గెలిచిన ఆర్సీబీ వుమెన్స్ జట్టు ముందుగా ఫీల్డింగ్ ఎంచుకోగా ఎంఐ వుమెన్స్ జట్టు బ్యాటింగ్ చేసింది. ఈ క్రమంలో ఎంఐ వుమెన్స్ టీమ్ నిర్ణీత 20 ఓవర్లలో 6 వికెట్ల నష్టానికి 154 పరుగులు చేసింది. ఆ జట్టు ప్లేయర్లలో సాజీవన్ సజన (25 బంతుల్లో 45 పరుగులు, 7 ఫోర్లు, 1 సిక్సర్), నికోలా కేరీ (29 బంతుల్లో 40 పరుగులు, 4 ఫోర్లు), గునాలన్ కమలిని (28 బంతుల్లో 32 పరుగులు, 5 ఫోర్లు) రాణించారు. ఆర్సీబీ వుమెన్స్ జట్టు ప్లేయర్లలో నదిన్ డి క్లర్క్ 4 వికెట్లు పడగొట్టగా, లారెన్ బెల్, శ్రేయాంక పాటిల్లకు చెరొక వికెట్ దక్కింది. అనంతరం బ్యాటింగ్ చేసిన ఆర్సీబీ వుమెన్స్ జట్టు 20 ఓవర్లలో 7 వికెట్లను కోల్పోయి లక్ష్యాన్ని ఛేదించింది. 157 పరుగులు చేసింది. ఆర్సీబీ ప్లేయర్లలో నదిన్ డి క్లర్క్ (44 బంతుల్లో 63 పరుగులు, 7 ఫోర్లు, 2 సిక్సర్లు), గ్రేస్ హారిస్ (12 బంతుల్లో 25 పరుగులు, 4 ఫోర్లు, 1 సిక్సర్) రాణించారు. ఇక ఎంఐ వుమెన్స్ జట్టు ప్లేయర్లలో నికోలా కేరీ, అమేలియా కెర్ చెరో 2 వికెట్ల చొప్పున పడగొట్టగా, నాట్ సివర్ బ్రంట్, షబ్నం ఇస్మాయిల్, అమన్జోత్ కౌర్లు తలా 1 వికెట్ తీశారు. కాగా ఈ మ్యాచ్లో విజయంతో ఆర్సీబీ వుమెన్స్ జట్టు ఈసారి టోర్నీలో బోణీ కొట్టిన తొలి జట్టుగా నిలిచింది.