SpaceX Starship | హిందూ మహాసముద్రంలో చిక్కుకుపోయిన స్పేస్‌ఎక్స్ ‘స్టార్‌షిప్’.. రికవరీ కష్టమేనా?

SpaceX Starship | త్రినేత్ర.న్యూస్ : కక్ష్యలోకి వెళ్లి తిరిగి భూమికి చేరిన స్పేస్‌ఎక్స్ (SpaceX) అతిపెద్ద రాకెట్ 'స్టార్‌షిప్' (Starship) ఇప్పుడు హిందూ మహాసముద్రంలో చిక్కుకుపోయింది. ఫ్లైట్ 13 మిషన్ తర్వాత సురక్షితంగా సముద్రంలో ల్యాండ్ అయిన ఈ 52 మీటర్ల భారీ రాకెట్‌ను ఒడ్డుకు చేర్చేందుకు రికవరీ బృందాలు తీవ్రంగా శ్రమిస్తున్నాయి. అయితే, సముద్రంలో ప్రతికూల వాతావరణం కారణంగా పరిస్థితి ఆందోళనకరంగా మారింది.

జులై 24న సముద్రంలో ల్యాండ్

ఫ్లైట్ 13.. జులై 24న సముద్రంలో ల్యాండ్ (Splashdown) అయింది. రెండు వారాలకు పైగా ఇది నీటిపైనే తేలుతూ ఉంది. ఈ క్రాఫ్ట్‌ (Ship 40) ను పోర్ట్‌కు తీసుకురావాలని రికవరీ బృందం రేయింబవళ్లు శ్రమిస్తున్నా, సముద్రంలో రాకాసి అలలు అడ్డుపడుతున్నాయి. ఈ పరిస్థితిపై ఆగస్టు 7న స్పేస్‌ఎక్స్ సీఈఓ ఎలాన్ మస్క్ (Elon Musk) స్పందిస్తూ.. రాకెట్ రికవరీ ప్రయత్నాలు ఏమంత ఆశాజనకంగా లేవని పెదవి విరిచారు.

ఫ్లైట్ 13 ఎందుకంత స్పెషల్?

జులై 24న టెక్సాస్ నుంచి నింగిలోకి ఎగిరిన ఈ స్టార్‌షిప్.. నెక్స్ట్ జనరేషన్ స్టార్‌లింక్ V3 (Starlink V3) శాటిలైట్లను మోసుకెళ్లింది. 20 శాటిలైట్లను విజయవంతంగా కక్ష్యలో ప్రవేశపెట్టింది. ఆ తర్వాత రాప్టర్ ఇంజిన్‌ను (Raptor engine) అంతరిక్షంలోనే రీస్టార్ట్ చేసి, కంట్రోల్డ్ రీ-ఎంట్రీ ద్వారా తిరిగి భూవాతావరణంలోకి ప్రవేశించింది. గత ప్రయోగాల్లో సముద్రంలో పడిపోగానే క్రాష్ అయిన ఈ రాకెట్.. ఈసారి మాత్రం చాలా సాఫ్ట్‌గా హిందూ మహాసముద్రంలో ల్యాండ్ కావడం పెద్ద అచీవ్‌మెంట్‌గా చెప్పాలి. మరోవైపు సూపర్ హెవీ బూస్టర్ మాత్రం గల్ఫ్ ఆఫ్ మెక్సికోలో ప్లాన్ చేసిన దానికంటే కొంచెం వేగంగానే పడిపోయింది.

ఈ రాకెట్‌ను వెనక్కి తేవడం ఎందుకు ముఖ్యం?

స్టార్‌షిప్ అనేది స్పేస్‌ఎక్స్ ఎంతో ప్రతిష్టాత్మకంగా నిర్మిస్తున్న పూర్తిగా రీ-యూజబుల్ (Reusable) రాకెట్ సిస్టమ్. భవిష్యత్తులో 100 టన్నుల బరువుతో పాటు.. చంద్రుడు, అంగారక గ్రహంపైకి మనుషులను తీసుకెళ్లేందుకు దీన్ని డిజైన్ చేశారు. అందుకే ఈ రాకెట్‌ను మళ్లీ మళ్లీ వాడుకునేలా ప్లాన్ చేస్తున్నారు.

Starship Flight 13 goals:

• Deploy 20 next-generation Starlink V3 satellites for the first time

• Test Starlink V3 solar arrays, antennas, and laser communications in space

• Execute launch, ascent, stage separation, boostback burn, and offshore landing burn for Super Heavy… pic.twitter.com/UXWAnCplSo

— Dima Zeniuk (@DimaZeniuk) July 24, 2026

అంతరిక్షం నుంచి తిరిగి వచ్చేటప్పుడు ఏర్పడే విపరీతమైన వేడి, రాపిడిని ఈ క్రాఫ్ట్ ఎలా తట్టుకుందనేది అధ్యయనం చేయడానికి ఈ తాజా ప్రయోగం బాగా ఉపయోగపడింది. వాతావరణం అనుకూలించక రాకెట్‌ను పోర్ట్‌కు చేర్చలేకపోయినప్పటికీ.. రాకెట్ హీట్ షీల్డ్ (Heat shield), ఇంజిన్ల పనితీరు గురించి రికవరీ టీమ్ ఇప్పటికే కీలకమైన క్లోజ్-అప్ ఫోటోలను సేకరించింది. ఈ డేటా భవిష్యత్తు స్టార్‌షిప్ అప్‌గ్రేడ్స్‌కు ఎంతో ఉపయోగపడుతుంది.

నెక్స్ట్ టార్గెట్ ఫ్లైట్ 14

షిప్ 40 సముద్రంలో మునిగిపోయినా సరే.. ఫ్లైట్ 13 ద్వారా సేకరించిన డేటాతో స్పేస్‌ఎక్స్ ఒక అడుగు ముందుకేసినట్లే. ఇక తదుపరి చేపట్టబోయే 'ఫ్లైట్ 14' మిషన్‌ను మరింత అడ్వాన్స్‌డ్‌గా ప్లాన్ చేస్తున్నారు. అంతరిక్షం నుంచి తిరిగొచ్చే అప్పర్ స్టేజ్‌ను నేలపైకి రప్పించి.. లాంచ్ టవర్ మెకానికల్ ఆమ్స్‌తో గాల్లోనే క్యాచ్ చేసే అద్భుతమైన ఫీట్‌కు స్పేస్‌ఎక్స్ సన్నద్ధమవుతోంది.

The SpaceX Recovery team is still working to recover Flight 13’s Starship from the Indian Ocean. They’ve been overcoming challenging conditions and increasingly rough seas as they attempt to guide the 52m long spacecraft to port pic.twitter.com/ECT5FyCvr7

— SpaceX (@SpaceX) August 7, 2026