Portronics Zeno B | పోర్ట్రోనిక్స్ నుంచి సరికొత్త మసాజర్.. ఇంట్లోనే ఈజీగా మసాజ్ చేసుకోవచ్చు..
Portronics Zeno B | టెక్నాలజీలో రోజు రోజుకీ అనేక విప్లవాత్మక మార్పులు వస్తున్నాయి. అందులో భాగంగానే అనేక రంగాల్లో అద్భుతమైన ఆవిష్కరణలు చోటు చేసుకుంటున్నాయి. ఇక వైద్య రంగంలోనూ ఎన్నో నూతన ఉత్పత్తులను, సాంకేతిక పరిజ్ఞానాన్ని నిపుణులు ఎప్పటికప్పుడు ఆవిష్కరిస్తున్నారు.
Popular news | Published On Dec 23, 2025, 12.40 pm IST
Portronics Zeno B | టెక్నాలజీలో రోజు రోజుకీ అనేక విప్లవాత్మక మార్పులు వస్తున్నాయి. అందులో భాగంగానే అనేక రంగాల్లో అద్భుతమైన ఆవిష్కరణలు చోటు చేసుకుంటున్నాయి. ఇక వైద్య రంగంలోనూ ఎన్నో నూతన ఉత్పత్తులను, సాంకేతిక పరిజ్ఞానాన్ని నిపుణులు ఎప్పటికప్పుడు ఆవిష్కరిస్తున్నారు. వాటితో సామాన్య ప్రజల జీవితాల్లో ఎన్నో మార్పులు వస్తున్నాయి. ఒకప్పుడు కేవలం ధనికులకు మాత్రమే అందుబాటులో ఉండే అనేక రకాల వస్తువులు ప్రస్తుతం సామాన్యులకు కూడా చేరువ అవుతున్నాయి. దీంతో వారు తమ ఆరోగ్యాన్ని మరింత మెరుగు పరుచుకోవడం సులభంగా మారింది. ఇదే కోవలో అనేక కంపెనీలు ఇప్పటికే అద్భుతమైన ఉత్పత్తులను వైద్య రంగంలో లాంచ్ చేశాయి. ఇక ఇదే కోవలో పోర్ట్రోనిక్స్ కూడా ఓ నూతన డివైస్ను అందుబాటులోకి తెచ్చింది. దీని సహాయంతో ఎవరైనా సరే ఇంట్లోనే చాలా సులభంగా మసాజ్ చేసుకోవచ్చు.
కండరాల నొప్పులకు చెక్..
ఎలక్ట్రానిక్స్ తయారీదారు పోర్ట్రోనిక్స్ (Portronics) తాజాగా జెనో బి (Zeno B) పేరిట ఓ పోర్టబుల్ పర్కషన్ గన్ మసాజర్ను లాంచ్ చేసింది. దీనికి ఎప్పటికప్పుడు తీసి అమర్చుకునేలా 6 ప్రత్యేకమైన డిటాచబుల్ హ్యాండిల్స్ను కూడా అందిస్తున్నారు. వీటి సహాయంతో శరీరంలోని ఏ భాగంలో అయినా చాలా సులభంగా ఎవరికి వారు సొంతంగా మసాజ్ చేసుకోవచ్చు. ఇతరుల సహాయం అవసరం లేదు. పైగా ఒకసారి ఈ డివైస్ను కొంటే వినియోగదారులు మసాజ్ కోసం ప్రతిసారి డబ్బులు వెచ్చించాల్సిన పనిలేదు. ఎప్పుడు కావాలంటే అప్పుడు సులభంగా మసాజ్ చేసుకోవచ్చు. ఇక ఇందులో మసాజ్ చేసేందుకు గాను ప్రత్యేకంగా బీఎల్డీసీ మోటార్ను ఇచ్చారు. ఇది చాలా నిశ్శబ్దంగా పనిచేస్తుంది. కండరాలపై సున్నితంగా ఒత్తిడిని కలగజేస్తూ మసాజ్ చేస్తుంది. దీంతో కండరాలు పట్టేయడం, కండరాల నొప్పులు, అలసట వంటి సమస్యలను తగ్గించుకోవచ్చు.

5 స్పీడ్ లెవల్స్, 6 హ్యాండిల్స్..
జెనో బి మసాజర్ లో 5 అడ్జస్టబుల్ స్పీడ్ లెవల్స్ ఉంటాయి. మసాజ్ చేసే ఫ్యాన్ ఏ స్పీడ్లో తిరగాలో 5 లెవల్స్లో సెట్ చేసుకోవచ్చు. ఈ స్పీడ్ లెవల్స్ ను 1600 నుంచి 3200 ఆర్పీఎం మధ్య ఇచ్చారు. కనుక కావల్సినంత వేగంతో మసాజ్ చేసుకోవచ్చు. ఈ మసాజర్కు ఎర్గోనోమిక్ హ్యాండిల్ను ఇచ్చారు. కనుక దీన్ని పట్టుకోవడం, ఆపరేట్ చేయడం సులభంగా ఉంటుంది. వెనుక వైపు కూడా సాధారణంగా చేతులకు అందని భాగాలను కూడా ఈ మసాజర్తో అందుకుని చాలా సులభంగా మసాజ్ చేసుకోవచ్చు. ఇందుకు గాను హ్యాండిల్ను ప్రత్యేకంగా డిజైన్తో తీర్చిదిద్దారు. దీని వల్ల వెన్నెముక, భుజాలు, వెన్ను, కాళ్లను సులభంగా మసాజ్ చేయవచ్చు. ఈ మసాజర్తోపాటు ఆయా భాగాల్లో భిన్న రకాలుగా మసాజ్ చేసుకునేందుకు 6 ప్రత్యేక డిటాచబుల్ హ్యాండిల్స్ను ఇస్తున్నారు. ఫోర్క్, బుల్లెట్, ఫ్లాట్, బాల్, అబ్జార్బర్, ఫ్రీజ్ హెడ్ పేరిట ఈ హ్యాండిల్స్ను ఇస్తున్నారు.
ధర వివరాలు..
ఈ మసాజర్ బరువు సుమారుగా 350 గ్రాములు ఉంటుంది. ఇందులో 2000 ఎంఏహెచ్ కెపాసిటీ ఉన్న రెండు బ్యాటరీలు ఉంటాయి. దీంతో మొత్తం 4000 ఎంఏహెచ్ బ్యాటరీ కెపాసిటీ లభిస్తుంది. అందువల్ల ఈ మసాజర్ను ఒక్కసారి ఫుల్ చార్జింగ్ చేస్తే సుమారుగా 3 నుంచి 4 గంటల వరకు పనిచేస్తుంది. కనుక దీన్ని ప్రయాణాల్లో కూడా సులభంగా తీసుకెళ్లవచ్చు, చార్జింగ్ చేసుకోవచ్చు. చార్జింగ్ చేసుకునేందుకు యూఎస్బీ టైప్ సి పోర్టు లభిస్తుంది. దీనికి ఫాస్ట్ చార్జింగ్ సపోర్ట్ను కూడా ఇచ్చారు. బ్లాక్ కలర్ ఆప్షన్లో ఈ మసాజర్ లభిస్తుండగా దీనిపై 12 నెలల వారంటీ లభిస్తుంది. కాగా పోర్ట్రోనిక్స్ జెనో బి మసాజర్ ధర రూ.3,799 ఉండగా దీన్ని రూ.3,499 డిస్కౌంట్ ధరకు అమెజాన్లో విక్రయిస్తున్నారు. పరిమిత కాలం పాటు మాత్రమే అది కూడా కేవలం అమెజాన్లోనే ఈ ఆఫర్ అందుబాటులో ఉంది. ఇక దీన్ని పోర్ట్రోనిక్స్ ఆన్లైన్ స్టోర్, ఫ్లిప్కార్ట్, ఇతర ప్రధాన ఆన్లైన్ స్టోర్స్, ఆఫ్లైన్ స్టోర్స్లో విక్రయిస్తున్నారు. ఇది ఫిట్ నెస్ ప్రియులకే కాక సామాన్యులకు కూడా ఎంతగానో ఉపయోగంగా ఉంటుందని పోర్ట్రోనిక్స్ చెబుతోంది.
సంబంధిత వార్తలు

Lava Shark 2 Pro 5G | భారీ బ్యాటరీతో లాంచ్ అయిన లావా మొబైల్స్ బడ్జెట్ ఫోన్.. ప్రత్యేక ఏఐ కూడా..
సెప్టెంబర్ 30, 2026

POCO M8 Power 5G | 8000 ఎంఏహెచ్ భారీ బ్యాటరీ, పవర్ఫుల్ డిస్ప్లేతో లాంచ్ అయిన పోకో కొత్త ఫోన్.. ధర ఎంతంటే..
ఆగస్టు 5, 2026

OnePlus | వన్ప్లస్ ఇండిపెండెన్స్ డే సేల్.. ఫోన్లపై భారీ డిస్కౌంట్లు..
ఆగస్టు 4, 2026
తాజావార్తలు
- ●Serial Actress | సీరియల్స్లోకి ఎంట్రీ ఇస్తున్న తెలుగు హీరోయిన్
- ●ICE Agents Seattle Airport | ఎయిర్పోర్ట్లో హైడ్రామా.. విమానం ఎక్కుతుండగా ప్రయాణికులను ఈడ్చుకెళ్లిన ఆఫీసర్లు
- ●OM vs AOT | ఓం వర్సెస్ ఆకాశంలో ఒక తార - రెండు రోజుల్లో ఏ సినిమాకు ఎక్కువ కలెక్షన్స్ వచ్చాయంటే?
- ●Hyderabad Bomb Threat Email | కాచిగూడ రైల్వే స్టేషన్, హోటల్ టూరిస్ట్ ప్లాజాలను బాంబులతో పేల్చేస్తాం
- ●JEE Main 2027 | జేఈఈ మెయిన్-2027 వెల్లువెత్తిన దరఖాస్తులు
- ●Revanth Reddy Gandhi Bhavan Speech | కాంగ్రెస్ జెండా మోసి రాహుల్ గాంధీని ప్రధానిని చేయడమే మన బాధ్యత

Serial Actress | సీరియల్స్లోకి ఎంట్రీ ఇస్తున్న తెలుగు హీరోయిన్

ICE Agents Seattle Airport | ఎయిర్పోర్ట్లో హైడ్రామా.. విమానం ఎక్కుతుండగా ప్రయాణికులను ఈడ్చుకెళ్లిన ఆఫీసర్లు

OM vs AOT | ఓం వర్సెస్ ఆకాశంలో ఒక తార - రెండు రోజుల్లో ఏ సినిమాకు ఎక్కువ కలెక్షన్స్ వచ్చాయంటే?

Hyderabad Bomb Threat Email | కాచిగూడ రైల్వే స్టేషన్, హోటల్ టూరిస్ట్ ప్లాజాలను బాంబులతో పేల్చేస్తాం



