BJP Mahila Morcha | సీఎం ఇంటి ముట్ట‌డి ఉద్రిక్తం.. బీజేపీ మ‌హిళా మోర్చా నేత‌ల అడ్డ‌గింత‌

త్రినేత్ర‌.న్యూస్‌: జూబ్లీహిల్స్‌లో సీఎం రేవంత్‌రెడ్డి (CM Revanth Reddy) నివాసాన్ని ముట్టడించేందుకు (House siege) బీజేపీ మహిళా మోర్చా(BJP Mahila Morcha) ప్రయత్నించింది. వీరి రాక గురించి ముందుగానే తెలిసిన పోలీసులు భారీ బందోబస్తు ఏర్పాటు చేశారు. మహిళా మోర్చా రాష్ట్ర అధ్యక్షురాలు శిల్పారెడ్డి (Shilpa Reddy) నేతృత్వంలో ప్రదర్శనగా రేవంత్‌ రెడ్డి ఇంటి వైపు దూసుకెళ్లిన మహిళా కార్యకర్తలను పోలీసులు మధ్యలోనే అడ్డుకున్నారు. ఈ సందర్భంగా పోలీసులకు, మహిళా మోర్చా నేతలకు మధ్య కాసేపు తీవ్ర తోపులాట, వాగ్వాదం జరిగింది. పోలీసులు కార్యకర్తలను అరెస్ట్ చేసి స్థానిక స్టేషన్లకు తరలించారు. ఈ సందర్భంగా కాంగ్రెస్ పార్టీకి వ్యతిరేకంగా పెద్ద ఎత్తున నినాదాలు చేశారు.

పోలీసులు జూబ్లీహిల్స్ రోడ్లన్నీ బారికేడ్లతో మూసివేసి భారీ బందోబస్తు ఏర్పాటు చేశారు. విడతల వారీగా వచ్చిన బీజేపీ నేతలను పోలీసులు అడ్డుకున్నారు. బీజేపీ నేతలను అడ్డుకోవడంపై రాష్ట్ర అధ్యక్షుడు రామచందర్ రావు మండిపడ్డారు. సామాన్య మ‌హిళ‌లు చట్ట సభల్లోకి రావొద్దనే దురుద్దేశం కాంగ్రెస్ కు ఉంద‌న్నారు. కాంగ్రెస్ పార్టీ చేసిన పని క్షమించరానిదన్నారు.