RTC Passengers | ఆర్టీసీ చెకింగ్ ఇన్‌స్పెక్ట‌ర్‌కు షాక్‌.. చెప్పుల‌తో చిత‌క‌బాదిన‌ ప్ర‌యాణికులు

RTC Passengers | త్రినేత్ర‌.న్యూస్‌: సాధార‌ణంగా అయితే చెకింగ్ ఇన్‌స్పెక్ట‌ర్‌కు టికెట్టు లేకుండా దొరికితే ప్ర‌యాణికుడికి, కండెక్ట‌ర్‌కు జ‌రిమానా విధిస్తాడు. ఆపై కేసు కూడా నమోదవుతుంది. కానీ ఇక్క‌డ సీన్ రివర్స్ అయింది. కండ‌క్ట‌ర్ (Conducter), ప్ర‌యాణికులు క‌లిసి చెకింగ్ ఇన్‌స్పెక్ట‌ర్‌ (Checking inspector) పై చెప్పుల‌తో దాడికి దిగారు. ఎడాపెడా కొడుతూ దేహ‌శుద్ధి చేశారు. ఇంత‌కు ఏం జ‌రిగిందంటే..

ఆర్టీసీ ప‌ల్లె వెలుగు బ‌స్సు శుక్ర‌వారం హైద‌రాబాద్ నుంచి నారాయ‌ణ‌ఖేడ్ కు వెళ్తోంది. మార్గ‌మ‌ధ్య‌లో బ‌స్సును రాయికోడ్ వ‌ద్ద టికెట్ చెకింగ్ కోసం అధికారులు ఆపారు. వెంట‌నే బస్సులోకి ప్ర‌వేశించి చెకింగ్ చేప‌ట్టారు. ఈ క్ర‌మంలో టికెట్ లేకుండా ప్ర‌యాణిస్తున్న ఓ ప్ర‌యాణికుడిని టికెట్ ఇన్‌స్పెక్ట‌ర్ గుర్తించారు. అయితే స‌ద‌రు ప్ర‌యాణికుడికి, కండ‌క్ట‌ర్‌కు జ‌రిమానా విధించాల్సింది పోయి లంచం డిమాండ్ చేశాడు. ప్ర‌యాణికుడితో పాటు కండక్ట‌ర్‌పై కేసు కాకుండా ఉండేందుకు రూ. 20వేలు లంచం ఇవ్వాలంటూ హుకుం జారీ చేశాడు.

బ‌స్సులోని ప్ర‌యాణికులంతా జ‌రిమానా విధిస్తారేమో అనుకున్నారు. కానీ లంచం అడిగిన విష‌యం వారి చెవిన ప‌డింది. దీంతో త‌ప్పును స‌రిదిద్దాల్సిన అధికారులే లంచం అడ‌గ‌డ‌మేంటి అని కోపోద్రేక్తుల‌య్యారు. ఆ వెంట‌నే టికెట్ ఇన్‌స్పెక్ట‌ర్ పై చెప్పుల‌తో డాడి చేసి దేహ‌శుద్ధి చేశారు. కండ‌క్ట‌ర్ సైతం ఎడా పెడా వాయించాడు. కొంద‌రు ఆపే ప్ర‌య‌త్నం చేసినప్ప‌టికీ చిత‌క‌బాదారు. ఇక చేసేది లేక టికెట్ ఇన్‌స్పెక్ట‌ర్ త‌న వాహ‌నంలో ఎక్కి వెళ్లిపోయారు. ఇదిలా ఉండ‌గా లంచం అడిగిన ప్రతి ఒక్క‌రికీ ఇలాగే త‌గిన గుణ‌పాఠం చెప్పాల‌ని ప్ర‌జ‌లు అభిప్రాయ‌ప‌డుతున్నారు.

ఆర్టీసీ బ‌స్సులో టికెట్ లేని ప్ర‌యాణం

కండ‌క్ట‌ర్, ప్ర‌యాణికుడిని రూ.20వేలు లంచం డిమాండ్ చేసిన టికెట్ ఇన్‌స్పెక్ట‌ర్

టికెట్ ఇన్స్‌పెక్ట‌ర్‌ను చిత‌క‌బాదిన ప్ర‌యాణికులు

హైద‌రాబాద్ నుంచి నారాయ‌ణ‌ఖేడ్ వెళ్తున్న బ‌స్సు

రాయికోడ్ వ‌ద్ద టికెట్ చెకింగ్ కోసం ఆపిన అధికారులు

టికెట్… pic.twitter.com/vvRdlplfRd

— PulseNewsBreaking (@pulsenewsbreak) May 1, 2026