Errolla Srinivas | రేవంత్‌రెడ్డి రియ‌ల్ ఎస్టేట్‌శాఖ‌కు మంత్రిగా ఉంటే బాగుండేది : ఎర్రోళ్ల శ్రీ‌నివాస్‌

Errolla Srinivas | రేవంత్ రెడ్డి విద్యాశాఖకు బదులుగా రియల్ ఎస్టేట్ శాఖకు మంత్రిగా ఉంటే బాగుండేదని బీఆర్ఎస్ నేత ఎర్రోళ్ల శ్రీనివాస్ విమర్శించారు. తెలంగాణ భవన్లో ఆయన ప్రెస్మీట్ నిర్వహించారు. ఈ సందర్భంగా ఆయన మాట్లాడుతూ.. సీఎం ఉస్మానియా యూనివర్సిటీకి వెళ్లి రూ.1000 కోట్లు ఇవ్వనున్నట్లు ప్రకటించారని.. హామీ ఇచ్చి నెల రోజులు అయినా అమలు మాత్రం సున్నా అన్నారు. దేవుళ్లపై ఒట్లు, ప్రతిపక్షాలను తిట్టడం సీఎం పని అని, నిరుద్యోగులను వాడుకుని వదిలేశారని మండిపడ్డారు. కాంగ్రెస్ పార్టీ మోసం గురించి ఎంత చెప్పినా తక్కువేనన్నారు. నిరుద్యోగులపై ప్రభుత్వం దాష్టీకానికి పాల్పడుతోందని, ఇప్పటి వరకు ఎన్ని ఉద్యోగాలు ఇచ్చారో ప్రభుత్వం శ్వేతపత్రం రిలీజ్ చేయాలని డిమాండ్ చేశారు. సీఎం అబద్ధాల వర్షం కురిపిస్తున్నారని ఆరోపించారు. చాకలి ఐలమ్మ యూనివర్సిటీకి రూ.500కోట్లు ఇస్తామని చెప్పి.. ఇప్పటికీ ఇవ్వలేదన్నారు. సీఎం యూనివర్సిటీ భూములను సీఎం గుంజుకుంటున్నారని, హైదరాబాద్ సెంట్రల్ యూనివర్సిటీలో 450 ఎకరాలను గుంజుకున్నారని మండిపడ్డారు. యూనివర్సిటీల్లో ఉన్న భూములపై సీఎంకు గుండెల నిండా ప్రేమ ఉందని, ఉర్దూ యూనివర్సిటీ భూములను లాక్కోవాలని ప్రభుత్వం ప్రయత్నం చేస్తోందన్నారు. ఐఎస్బీ భూములను వెనక్కి తీసుకోవాలని ప్రభుత్వం చూస్తోందని, రేవంత్ రెడ్డి గ్యాంగ్ ఉస్మానియా యూనివర్సిటీ భూములపై రెక్కీ నిర్వహిస్తున్నారేమో అంటూ అనుమానం వ్యక్తం చేశారు. అగ్రికల్చర్ యూనివర్సిటీ భూములు 100 ఎకరాలు హైకోర్టుకు ఇచ్చారన్నారు. గురుకులాల్లో చదివే విద్యార్థులకు కనీసం రగ్గులు ఇవ్వడం లేదని ఆరోపించారు. విద్యా సంస్థల భూములపై రేవంత్ రెడ్డి కన్నుపడిందని, కనీసం ఒక్క పూట అయినా నాణ్యమైన భోజనం పెట్టాలని యూనివర్సిటీ విద్యార్థులు ఆందోళనలు చేస్తున్నారన్నారు. కోటి మంది మహిళలను కోటీశ్వరులను చేస్తానని సీఎం పరేడ్ గ్రౌండ్స్లో మాట ఇచ్చారని, యూనివర్సిటీలో కాంట్రాక్టు సిబ్బంది స్ట్రైక్ చేస్తున్నారన్నారు. కాంట్రాక్టు సిబ్బంది స్ట్రైక్ చేస్తే వాళ్ళ జీతాలను కట్ చేస్తున్నారని ఆరోపించారు. కాంగ్రెస్ పార్టీ కార్యకర్తల కంటే ఎక్కువగా నిరుద్యోగులు ఎన్నికల్లో పని చేశారని చెప్పారు. రేవంత్ రెడ్డి రాము, రెమో రెండు పాత్రలు పోషిస్తున్నారని ఎద్దేవా చేశారు. పోలీసులు లేకుండా సీఎం రేవంత్ రెడ్డి బయటకు వెళ్లలేని పరిస్థితి వచ్చిందని, ప్రైవేట్ షాపింగ్ మాల్కు సీఎం వచ్చిన సందర్భంగా అశోక్నగర్లో నిరుద్యోగులను పోలీసులు అరెస్టు చేశారని ఆరోపించారు. అశోక్నగర్కు రాహుల్, రేవంత్ వచ్చారని, నిరుద్యోగులకు హామీ ఇచ్చారన్నారు. జాబ్ క్యాలెండర్ జాబ్ లెస్ క్యాలెండర్గా మారిందని.. కాంగ్రెస్ హామీలు బూటకమన్నారు. పోలీసు లాఠీలకు, తూటాలకు నిరుద్యోగుకు, విద్యార్థులు భయపడరన్నారు. ప్రభుత్వం ద్వంద్వ వైఖరిని మార్చుకోవాలని హితవు పలికారు. 2లక్షల ఉద్యోగాలు ఇవ్వకపోతే ప్రభుత్వాన్ని వెంటాడి నిలదీస్తామన్నారు. రేవంత్ రెడ్డి సీఎంగా, హోంమంత్రిగా, విద్యాశాఖ మంత్రిగా ఫెయిల్ అయ్యాయరని విమర్శించారు. తెలంగాణ ఉద్యమం అణచివేత నుంచి పుట్టిందని.. నిరుద్యోగ యువత కాంగ్రెస్ పార్టీకి మరణ శాసనం రాయబోతుందని ఆరోపించారు. ప్రభుత్వం ఎక్కడ భూములు ఉన్నాయని.. రియల్ ఎస్టేట్ దందా ఎక్కడ చేయాలని కుట్రలు చేస్తోందని మండిపడ్డారు. విద్యాశాఖపై రేవంత్రెడ్డి ఏ రోజు అయినా రివ్యూ చేశారా? అంటూ ఆరోపించారు. రాష్ట్రంలో ఐదు వేల స్కూల్స్ మూతపడ్డాయని, 3,500 పోస్టులను ప్రభుత్వం భర్తీ చేయాలన్నారు. కేవలం 450 ఉద్యోగాలను మాత్రమే భర్తీ చేయాలని ప్రభుత్వం చూస్తోందన్నారు. ప్రభుత్వం మెడలు వంచుతామని, సీఎం, మంత్రులు ఒక్కరికి సోయి లేదని, బీఆర్ఎస్ పాలనలో చెరువులు నింపి ఉచితంగా చేప పిల్లలు పంపిణీ చేసి నీలి విప్లవం తెచ్చామని.. కాంగ్రెస్ ప్రభుత్వంలో ఇంకో రకమైన నీలి విప్లవం నడుస్తోందన్నారు. సీఎం, మంత్రులు చేస్తున్న పనులు తెలంగాణ సమాజం సిగ్గుతో తలవంచుకునేలా చేస్తున్నాయని మండిపడ్డారు. రాష్ట్రంలో పాలన దొంగల చేతికి తాళం అప్పగించినట్లు ఉందని, యూనివర్సిటీ భూముల అమ్మకాలను ఆపాలన్నారు. సమావేశంలో బాలరాజ్ యాదవ్ , పల్లె రవికుమార్, రాంబల్ నాయక్, యాదయ్య గౌడ్ పాల్గొన్నారు.

Errolla Srinivas | రేవంత్‌రెడ్డి రియ‌ల్ ఎస్టేట్‌శాఖ‌కు మంత్రిగా ఉంటే బాగుండేది : ఎర్రోళ్ల శ్రీ‌నివాస్‌

FOLLOW US

ట్యాగ్స్:

సంబంధిత వార్తలు

Budget 2026 | రైల్వే టికెట్లపై రాయితీ ఇచ్చేనా..? కేంద్ర బడ్జెట్‌పై సీనియర్‌ సిటిజన్ల ఆశలు..!

Shruti Haasan | మౌనంగా ఉండాల్సిన సమయం దాటిపోయింది : శృతి హాసన్‌

CM Revanth Reddy | నేను డాక్ట‌ర్‌ను కాదు.. కానీ సోష‌ల్ డాక్ట‌ర్‌ను : సీఎం రేవంత్ రెడ్డి

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

RTC Bus Accident | కొర్ల‌ప‌హ‌డ్ వ‌ద్ద రెండు బ‌స్సులు ఢీ.. ప‌లురుకి గాయాలు

X | త‌ప్పైంది.. క్ష‌మించండి.. ఇక‌పై అలా జ‌ర‌గ‌కుండా చూస్తాం: ఎక్స్

Piracy Network | న‌వీన్.. మ‌రో ఐబొమ్మ‌ ర‌వి.. శ్రీలంక‌లో రాజా సాబ్ పైర‌సీ నిందితుడు!

POPULAR LINKS

Clean Energy | పున‌రుత్పాద‌క ఇంధ‌న రంగంలో భార‌త్ రికార్డులు.. 2025లో గ‌ణ‌నీయ‌మైన వృద్ధి..

Budget 2026 | రైల్వే టికెట్లపై రాయితీ ఇచ్చేనా..? కేంద్ర బడ్జెట్‌పై సీనియర్‌ సిటిజన్ల ఆశలు..!