Bhagyashri Borse | భాగ్య‌శ్రీ బోర్సేకు ల‌క్కీ ఛాన్స్ – క‌ల్కి నిర్మాత‌ల‌తో లేడీ ఓరియెంటెడ్ మూవీ

Bhagyashri Borse | సినీ ప‌రిశ్ర‌మ‌లో హిట్టుకే ఎక్కువ‌గా వాల్యూ ఉంటుంది. స‌క్సెసుల్లో ఉన్న‌వారి చుట్టే ఇండ‌స్ట్రీ తిరుగుతుంది. ఫ్లాపుల్లో ఉన్న వారిని ఎవ‌రూ పెద్ద‌గా ప‌ట్టించుకోరు. ఒక్క ఫ్లాప్ ఎదురైతే చాలా నెక్స్ట్ సినిమా అవ‌కాశం రావ‌డ‌మే క‌ష్ట‌మ‌వుతుంది. హీరోయిన్ల విష‌యంలో నాలుగైదు ఫ్లాప్‌లు ఎదురైతే వారిపై ఐరెన్ లెగ్ అంటూ ముద్ర‌లు వేస్తారు. వారి కెరీర్ ముగిసిన‌ట్లేనంటూ విమ‌ర్శ‌లు గుప్పిస్తుంటారు.
కానీ కొంద‌రు ముద్దుగుమ్మ‌లు మాత్రం ప‌రాజ‌యాల‌తో సంబంధం లేకుండా మంచి క్రేజ్‌, ఇమేజ్‌తో దూసుకుపోతుంటారు. వ‌రుస‌గా ఆఫ‌ర్ల‌ను సొంతం చేసుకుంటుంటారు. భాగ్య‌శ్రీ బోర్సే ఇందుకు బెస్ట్ ఎగ్జాంపుల్‌గా నిలుస్తోంది.
మిస్ట‌ర్ బ‌చ్చ‌న్‌తో టాలీవుడ్‌లోకి(Tollywood) ఎంట్రీ ఇచ్చిన ఈ బ్యూటీ ఇప్ప‌టివ‌ర‌కు తెలుగులో నాలుగు సినిమాలు చేసింది. విజ‌య్ దేవ‌ర‌కొండ‌, దుల్క‌ర్ స‌ల్మాన్‌, రామ్ వంటి స్టార్ హీరోల‌తో జోడి క‌ట్టింది. గ్లామ‌ర్‌తో పాటు యాక్టింగ్ తో ఆక‌ట్టుకున్న భాగ్య‌శ్రీ బోర్సేకు ల‌క్కు మాత్రం క‌లిసిరాలేదు. భాగ్య‌శ్రీ హీరోయిన్‌గా న‌టించిన కింగ్డ‌మ్‌తో పాటు కాంత‌, ఆంధ్ర కింగ్ తాలూకా డిజాస్ట‌ర్స్‌గా నిలిచాయి.
బ్యాక్ టూ బ్యాక్ ఫెయిల్యూర్స్ వ‌చ్చినా ఈ అమ్మ‌డి జోరు మాత్రం త‌గ్గ‌లేదు. ప్ర‌స్తుతం అఖిల్ అక్కినేని లెనిన్‌లో హీరోయిన్‌గా న‌టిస్తోంది.
తాజాగా భాగ్య‌శ్రీ బోర్సే మ‌రో ల‌క్కీ ఛాన్స్ కొట్టేసిన‌ట్లు స‌మాచారం. తెలుగులో ఫ‌స్ట్ టైమ్ ఓ లేడీ ఓరియెంటెడ్ మూవీకి గ్రీన్‌సిగ్న‌ల్ ఇచ్చింది. ఈ ఫిమేల్ సెంట్రిక్ మూవీకి ర‌మేష్ ఎలిగేటి ద‌ర్శ‌క‌త్వం వ‌హించ‌బోతున్నాడు. మ‌ద్య‌పాన నిషేదం కాలం నాటి క‌థ‌తో ఫ‌న్ డ్రామాగా ఈ సినిమా రూపొందుతున్న‌ట్లు ప్ర‌చారం జ‌రుగుతోంది.
విరాట ప‌ర్వం డైరెక్ట‌ర్ వేణు ఊడుగుల‌తో క‌లిసి  కల్కి నిర్మాత అశ్వ‌నీద‌త్ కూతురు స్వ‌ప్న‌ద‌త్ ఈ లేడీ ఓరియెంటెడ్ మూవీని నిర్మించ‌బోతున్న‌ట్లు స‌మాచారం. త్వ‌ర‌లోనే ఈ సినిమాపై అఫీషియ‌ల్ అనౌన్స్‌మెంట్ రానుంద‌ట‌.
ప్ర‌స్తుతం లెనిన్ షూటింగ్‌తో బిజీగా ఉంది భాగ్య‌శ్రీ బోర్సే. ప్ర‌స్తుతం హైద‌రాబాద్‌లో అఖిల్‌, భాగ్య‌శ్రీపై ఓ పాట‌ను చిత్రీక‌రిస్తున్నారు.

తెలుగులో మ‌రో ల‌క్కీ ఛాన్స్ కొట్టేసింది భాగ్య‌శ్రీ బోర్సే. ఫ‌స్ట్ టైమ్ ఓ లేడీ ఓరియెంటెడ్ మూవీకి గ్రీన్‌సిగ్న‌ల్ ఇచ్చింది. మ‌ద్య‌పాన నిషేదం నాటి క‌థ‌తో ఫ‌న్ డ్రామాగా ఈ మూవీ రూపొందుతున్న‌ట్లు ప్ర‌చారం జ‌రుగుతోంది.