UGC | దేశంలో 32 న‌కిలీ యూనివ‌ర్సిటీలు.. విద్యార్థుల‌కు యూజీసీ హెచ్చరిక‌..

UGC | యూనివర్సిటీ గ్రాంట్స్ కమిషన్ (UGC) దేశం అంతటా 32 నకిలీ విశ్వవిద్యాలయాలు పనిచేస్తున్నట్లు గుర్తించింది. ఈ సంస్థల నుండి జారీ చేయబడిన డిగ్రీలు ఉద్యోగాలకు, ఉన్నత విద్యకు చెల్లవని హెచ్చరించింది. ఢిల్లీలో అత్యధికంగా అటువంటి యూనివ‌ర్సిటీలు 12 ఉండగా, ఉత్తరప్రదేశ్, ఇతర రాష్ట్రాలు ఆ తరువాతి స్థానాల్లో నిలిచాయి. విద్యార్థులు ప్రవేశం పొందే ముందు వ‌ర్సిటీల‌ గుర్తింపు స్థితిని ధ్రువీకరించుకోవాలని సూచించింది. కమిషన్ పేర్కొన్న ప్రకారం ఈ సంస్థలకు కేంద్ర ప్రభుత్వం లేదా రాష్ట్ర ప్రభుత్వం నుండి గుర్తింపు లేదు. UGC చట్టం సెక్షన్లు 2(f), 3ని ఉటంకిస్తూ ఈ సంస్థల నుండి జారీ చేయబడిన డిగ్రీలకు చట్టపరమైన చెల్లుబాటు లేదని తేల్చి చెప్పింది. ఢిల్లీ అత్యధిక సంఖ్యలో నకిలీ విశ్వవిద్యాలయాలను క‌లిగి ఉండ‌గా, ఉత్తరప్రదేశ్ ఆ తరువాతి స్థానంలో నిలిచింది.

రాష్ట్రాల వారీగా నకిలీ విశ్వవిద్యాలయాల సంఖ్య ఈ విధంగా ఉంది.

ఢిల్లీ - 12, ఉత్తరప్రదేశ్ - 4, ఆంధ్రప్రదేశ్ - 2, కర్ణాటక - 2, కేరళ - 2, మహారాష్ట్ర - 2, పుదుచ్చేరి - 2, పశ్చిమ బెంగాల్ - 2, అరుణాచల్ ప్రదేశ్ - 1, హర్యానా - 1, జార్ఖండ్ - 1, రాజస్థాన్ - 1.

ఆంధ్రప్రదేశ్ లో గుంటూరులోని క్రైస్ట్ న్యూ టెస్టమెంట్ డీమ్డ్ యూనివర్సిటీ, విశాఖ‌ప‌ట్నంలోని బైబిల్ ఓపెన్ యూనివర్సిటీ ఆఫ్ ఇండియా, అరుణాచల్ ప్రదేశ్ లోని ఇండియన్ ఇన్‌స్టిట్యూట్ ఆఫ్ ఆల్టర్నేటివ్ మెడిసిన్, ఢిల్లీలోని వరల్డ్ పీస్ ఆఫ్ యునైటెడ్ నేషన్స్ యూనివర్సిటీ (WPUNU), ఇన్‌స్టిట్యూట్ ఆఫ్ మేనేజ్‌మెంట్ అండ్ ఇంజనీరింగ్, ఆల్ ఇండియా ఇన్‌స్టిట్యూట్ ఆఫ్ పబ్లిక్ అండ్ ఫిజికల్ హెల్త్ సైన్సెస్ (AIIPHS) స్టేట్ గవర్నమెంట్ యూనివర్సిటీ, కమర్షియల్ యూనివర్సిటీ లిమిటెడ్, యునైటెడ్ నేషన్స్ యూనివర్సిటీ, వొకేషనల్ యూనివర్సిటీ, ADR-సెంట్రిక్ జురిడికల్ యూనివర్సిటీ, ఇండియన్ ఇన్‌స్టిట్యూట్ ఆఫ్ సైన్స్ అండ్ ఇంజనీరింగ్, విశ్వకర్మ ఓపెన్ యూనివర్సిటీ ఫర్ సెల్ఫ్-ఎంప్లాయ్‌మెంట్, అధ్యాత్మ ప్రపంచవిద్యాలయ (ఆధ్యాత్మిక విశ్వవిద్యాలయ), నేషనల్ ఇన్‌స్టిట్యూట్ ఆఫ్ మేనేజ్‌మెంట్ సొల్యూషన్, మౌంటైన్ ఇన్‌స్టిట్యూట్ ఆఫ్ మేనేజ్‌మెంట్ అండ్‌ టెక్నాలజీ ల‌కు గుర్తింపు లేదు.

హర్యానా లోని ఫ‌రీదాబాద్‌లో ఉన్న మ్యాజిక్ అండ్ ఆర్ట్ యూనివర్సిటీ, జార్ఖండ్ లోని రాంచీలో ఉన్న‌ దక్ష విశ్వవిద్యాలయ (వొకేషనల్ అండ్ లైఫ్ స్కిల్ ఎడ్యుకేషన్), కర్ణాటక లోని తుమ‌కూరులో ఉన్న సర్వ భారతీయ శిక్షా పీఠ్, బెంగ‌ళూరులో ఉన్న గ్లోబల్ హ్యూమన్ పీస్ యూనివర్సిటీ, కేరళలోని కోజికోడ్‌లో ఉన్న ఇంటర్నేషనల్ ఇస్లామిక్ యూనివర్సిటీ ఆఫ్ ప్రాఫెట్ మెడిసిన్ (IIUPM), సెయింట్ జాన్స్ యూనివర్సిటీ, మహారాష్ట్రలోని నాగ్‌పూర్‌లో ఉన్న రాజా అరబిక్ యూనివర్సిటీ, సోలాపూర్‌లోని నేషనల్ బ్యాక్‌వర్డ్ క్రుషి విద్యాపీఠ్, పుదుచ్చేరిలోని అషా లక్ష్మణన్ కాలేజ్ ఆఫ్ ఎడ్యుకేషన్, శ్రీ బోధి అకాడమీ ఆఫ్ హయ్యర్ ఎడ్యుకేషన్, రాజ‌స్థాన్‌లోని భీవ‌డీలో ఉన్న రాజీవ్ గాంధీ ఇన్‌స్టిట్యూట్ ఆఫ్ టెక్నాలజీ అండ్ మేనేజ్‌మెంట్ ల‌కు గుర్తింపు లేదు.

ఉత్తరప్రదేశ్ లోని ప్ర‌యాగ్ రాజ్‌లో ఉన్న గాంధీ హిందీ విభాగ్, అలీఘర్‌లో ఉన్న నేతాజీ సుభాష్ చంద్ర బోస్ యూనివర్సిటీ (ఓపెన్ యూనివర్సిటీ), ల‌క్నోలోని భారతీయ శిక్షా పరిషత్, నోయిడాలోని మహా మాయ టెక్నికల్ యూనివర్సిటీ, పశ్చిమ బెంగాల్ లోని కోల్‌క‌తాలో ఉన్న ఇండియన్ ఇన్‌స్టిట్యూట్ ఆఫ్ ఆల్టర్నేటివ్ మెడిసిన్, ఇన్‌స్టిట్యూట్ ఆఫ్ ఆల్టర్నేటివ్ మెడిసిన్ అండ్ రీసెర్చ్ ల‌కు కూడా గుర్తింపు లేద‌ని యూజీసీ తెలిపింది.