Balloons Burst | బీజేపీ స‌భ‌లో పేలిన గ్యాస్ బెలూన్లు.. ప‌లువురికి గాయాలు.. షాకింగ్ వీడియో

Balloons Burst | గ్యాస్ బెలూన్ల వ‌ల్ల ఎంత ప్ర‌మాద‌మో తెలిపే మ‌రో వీడియో వెలుగులోకి వ‌చ్చింది. ఇటీవ‌లే మ‌హారాష్ట్ర ముంబైలోని ఓ అపార్ట్‌మెంట్ లిఫ్ట్‌లో గ్యాస్ బెలూన్లు పేలిపోయిన (Balloons Burst) విష‌యం తెలిసిందే. ఈ ఘ‌ట‌న‌లో ముగ్గురు తీవ్రంగా గాయ‌ప‌డ్డారు. ఇప్పుడు అలాంటి ఘ‌ట‌నే మ‌ధ్య‌ప్ర‌దేశ్ ఉజ్జ‌యిని (Ujjain)లో చోటు చేసుకుంది. బీజేపీ నిర్వ‌హించిన ఓ కార్య‌క్ర‌మంలో గ్యాస్ బెలూన్లు ఒక్క‌సారిగా పేలిపోయాయి.

భార‌తీయ జ‌న‌తా యువ మోర్చా రాష్ట్ర అధ్య‌క్షుడు ( Bharatiya Janata Yuva Morcha) శ్యామ్ టైల‌ర్ (Shyam Tailor)ను స‌త్క‌రించేందుకు పార్టీ కార్య‌క‌ర్త‌లు, మ‌ద్ద‌తుదారులు ఉజ్జ‌యినిలో ఓ కార్య‌క్ర‌మాన్ని ఏర్పాటు చేశారు. స్టేజ్‌పై శ్యామ్ టైల‌ర్‌ను స‌త్క‌రిస్తుండ‌గా.. అక్క‌డ ఏర్పాటు చేసిన బెలూన్లు ఒక్క‌సారిగా భారీ శబ్ధంతో పేలిపోయాయి. ఈ ఘ‌ట‌న‌లో ప‌లువురికి గాయాలైన‌ట్లు తెలుస్తోంది. ఇందుకు సంబంధించిన షాకింగ్ వీడియో ప్ర‌స్తుతం వైర‌ల్ అవుతోంది. హైడ్రోజ‌న్ గ్యాస్ నింపిన బెలూన్లు ఎంత ప్ర‌మాద‌క‌ర‌మో ఈ ఘ‌ట‌న తెలియ‌జేస్తోంది.

కాగా, ఇటీవ‌లే మ‌హారాష్ట్రలోనూ ఇలాంటి ఘ‌ట‌నే ఒక‌టి చోటు చేసుకున్న విష‌యం తెలిసిందే. ఫిబ్ర‌వ‌రి 2న ముంబై (Mumbai)కి స‌మీపంలో ఉన్న‌గోరేగావ్ (Goregaon) ప్రాంతంలోని అమోల్ ట‌వ‌ర్‌లో ఓ బ‌ర్త్‌డే పార్టీ కోసం గ్యాస్ బెలూన్లు ఆర్డ‌ర్ ఇచ్చారు. డెలివ‌రీ బాయ్ ఆ బెలూన్ల‌ను తీసుకొని వ‌చ్చారు. వాటిని లిఫ్ట్‌లో తీసుకెళ్లేందుకు ప్ర‌య‌త్నించారు. లిఫ్ట్‌ ఎక్క‌గానే ఆ బెలూన్లు ఒక్క‌సారిగా భారీ శబ్దంతో పేలిపోయాయి. ఆ స‌మ‌యంలో లిఫ్ట్‌లో ఓ మ‌హిళ స‌హా ముగ్గురు గాయ‌ప‌డ్డారు.

https://x.com/TimesNow/status/2019661040573988918