State-Wise Ethanol Blending in India | ఇథనాల్ బ్లెండింగ్‌లో దూసుకుపోతున్న భారత్.. ఏపీ, తెలంగాణ రాష్ట్రాల శాతం ఎంతంటే?

• కేంద్ర పెట్రోలియం, సహజ వాయువు మంత్రిత్వ శాఖ 2024-25 (ESY) ఇథనాల్ బ్లెండింగ్ డేటా విడుదల
• దేశంలోనే అత్యధికంగా హరియాణా రాష్ట్రం 19.3% ఇథనాల్ బ్లెండింగ్‌తో అగ్రస్థానంలో
• పశ్చిమ బెంగాల్ (19.28%), హిమాచల్ ప్రదేశ్ (19.26%), కేరళ (19.25%) తర్వాతి స్థానాల్లో
• తెలుగు రాష్ట్రాలైన తెలంగాణలో 19.09%, ఆంధ్రప్రదేశ్‌లో 19% మేర ఇథనాల్ బ్లెండింగ్
• అత్యల్పంగా అండమాన్ నికోబార్ దీవుల్లో కేవలం 6.26% మాత్రమే నమోదు

State-Wise Ethanol Blending in India | త్రినేత్ర.న్యూస్ : దేశంలో పర్యావరణ కాలుష్యాన్ని తగ్గించడంతో పాటు, క్రూడాయిల్ (ముడి చమురు) దిగుమతులపై ఆధారపడటాన్ని తగ్గించేందుకు కేంద్ర ప్రభుత్వం 'ఇథనాల్ బ్లెండింగ్' (Ethanol Blending) ప్రక్రియను ప్రతిష్టాత్మకంగా అమలు చేస్తోంది. తాజాగా కేంద్ర పెట్రోలియం, సహజ వాయువు మంత్రిత్వ శాఖ 2024-25 ఇథనాల్ సరఫరా సంవత్సరానికి (ESY) గానూ రాష్ట్రాల వారీగా గణాంకాలను వెల్లడించింది. దేశవ్యాప్తంగా 20% బ్లెండింగ్ లక్ష్యంగా అడుగులు పడుతుండగా, అనేక రాష్ట్రాలు ఆ లక్ష్యానికి చేరువలో ఉన్నాయి.

సత్తా చాటిన తెలుగు రాష్ట్రాలు

దక్షిణాదిలో ఇథనాల్ మిశ్రమం వాడకంలో తెలుగు రాష్ట్రాలు ముందంజలో ఉన్నాయి. తెలంగాణ రాష్ట్రంలో ఏకంగా 19.09% ఇథనాల్ బ్లెండింగ్ జరుగుతుండగా, ఆంధ్రప్రదేశ్‌లో 19% బ్లెండింగ్ నమోదైంది. జాతీయ సగటుతో పోలిస్తే ఇవి చాలా మెరుగైన గణాంకాలు. ఇక కేరళ 19.25% తో దక్షిణాదిలో టాప్‌లో ఉండగా, కర్ణాటక (19.13%), తమిళనాడు (19.11%) కూడా 19 శాతానికి పైగా బ్లెండింగ్ చేస్తున్నాయి.

అగ్రస్థానంలో నిలిచిన రాష్ట్రాలు ఇవే..

దేశవ్యాప్తంగా చూసుకుంటే, ఉత్తరాది రాష్ట్రమైన హరియాణా అత్యధికంగా 19.3% ఇథనాల్ బ్లెండింగ్‌తో నంబర్ వన్ స్థానంలో నిలిచింది. ఆ తర్వాత పశ్చిమ బెంగాల్ (19.28%), హిమాచల్ ప్రదేశ్ (19.26%), పంజాబ్ (19.23%) రాష్టాలు ఉన్నాయి. అండమాన్ నికోబార్ దీవులు అత్యల్పంగా 6.26% శాతంతో అట్టడుగున ఉండగా, గోవా (16.15%), లడఖ్ (16.17%) తర్వాతి స్థానాల్లో ఉన్నాయి.

రాష్ట్రాల వారీగా ఇథనాల్ బ్లెండింగ్ శాతం (2024-25):

• రాష్ట్రం / కేంద్రపాలిత ప్రాంతం - బ్లెండింగ్ శాతం (%)
  హరియాణా (Haryana) - 19.3%
  పశ్చిమ బెంగాల్ (West Bengal) - 19.28%
  హిమాచల్ ప్రదేశ్ (Himachal Pradesh) - 19.26%
  కేరళ (Kerala) - 19.25%
  పంజాబ్ (Punjab) - 19.23%
  సిక్కిం (Sikkim) - 19.22%
  పుదుచ్చేరి (Puducherry) - 19.18%
  కర్ణాటక (Karnataka) - 19.13%
  తమిళనాడు (Tamil Nadu) - 19.11%
  తెలంగాణ (Telangana) - 19.09%
  మధ్యప్రదేశ్ (Madhya Pradesh) - 19.09%
  ఒడిశా (Odisha) - 19.08%
  చండీగఢ్ (Chandigarh) - 19.04%
  నాగాలాండ్ (Nagaland) - 19.03%
  బీహార్ (Bihar) - 19.02%
  దాద్రా నగర్ హవేలీ, డామన్ డయ్యూ - 19.01%
  ఆంధ్రప్రదేశ్ (Andhra Pradesh) - 19%
  ఉత్తరాఖండ్ (Uttarakhand) - 19%
  రాజస్థాన్ (Rajasthan) - 18.98%
  ఢిల్లీ (Delhi) - 18.96%
  అస్సాం (Assam) - 18.96%
  మేఘాలయ (Meghalaya) - 18.96%
  గుజరాత్ (Gujarat) - 18.95%
  జమ్మూ & కాశ్మీర్ (J&K) - 18.84%
  మహారాష్ట్ర (Maharashtra) - 18.84%
  అరుణాచల్ ప్రదేశ్ (Arunachal) - 18.87%
  త్రిపుర (Tripura) - 18.82%
  ఉత్తరప్రదేశ్ (Uttar Pradesh) - 18.81%
  జార్ఖండ్ (Jharkhand) - 18.79%
  మణిపూర్ (Manipur) - 18.17%
  ఛత్తీస్‌గఢ్ (Chhattisgarh) - 16.96%
  మిజోరాం (Mizoram) - 16.66%
  లక్షద్వీప్ (Lakshadweep) - 16.65%
  లడఖ్ (Ladakh) - 16.17%
  గోవా (Goa) - 16.15%
  అండమాన్ నికోబార్ (A&N Islands) - 6.26%

కేంద్రం నిర్దేశించిన 20% బ్లెండింగ్ (E20 Petrol) లక్ష్యానికి దేశం అతి చేరువలో ఉన్నట్లు ఈ గణాంకాలు స్పష్టం చేస్తున్నాయి. తద్వారా పర్యావరణ పరిరక్షణతో పాటు రైతులకు అదనపు ఆదాయం కూడా సమకూరుతోంది.