Priyanka Gandhi Angry on Media | ఎస్ ఆర్ నో.. ప్రధానిని అడిగారా? ఢిల్లీ మీడియాను ఉతికి ఆరేసిన ప్రియాంకా గాంధీ!

Priyanka Gandhi Angry on Media | త్రినేత్ర.న్యూస్ : పార్లమెంట్ ఆవరణలో కాంగ్రెస్ ఎంపీ ప్రియాంకా గాంధీ (Priyanka Gandhi) మీడియాతో తీవ్ర వాగ్వివాదానికి దిగారు. దేశవ్యాప్తంగా విద్యార్థులు రోడ్లెక్కి ఆందోళనలు చేస్తుంటే.. "సభ ఎందుకు నడవడం లేదు?" అని ప్రశ్నించిన రిపోర్టర్లపై ఆమె తీవ్ర స్థాయిలో విరుచుకుపడ్డారు. ప్రభుత్వానికి వంతపాడటం మానేసి, ముందుగా వాస్తవాలను ప్రశ్నించాలంటూ జాతీయ మీడియాను ఏకిపారేశారు. ఈ ఘటనకు సంబంధించిన వీడియో ఇప్పుడు నెట్టింట వైరల్‌గా మారింది.

ఆ ప్రభుత్వ వలలో మీరు చిక్కుకున్నారు

మీడియా అడిగిన ప్రశ్నలపై ప్రియాంక తీవ్ర అసహనం వ్యక్తం చేశారు. "సబబైన (Relevant) ప్రశ్నలకు మాత్రమే నేను సమాధానం చెబుతాను. మీరు పూర్తిగా ఈ ప్రభుత్వ వలలో చిక్కుకుపోయారు. వాళ్లు ఏది అడగమంటే మీరు అదే అడుగుతున్నారు. అసలు సభకు ప్రధాని ఎందుకు రాలేదో వాళ్ల మంత్రులను అడిగారా?" అంటూ ప్రియాంక మండిపడ్డారు. దేశంలో ఇంత పెద్ద ఆందోళన జరుగుతోందని, యువత మొత్తం రోడ్లపై ఉంటే ప్రధాని మాత్రం సభకు రాలేదని ఆమె గుర్తుచేశారు.

మంత్రి రాజీనామా అడిగారా.. ఎస్ ఆర్ నో?

సభ ఎందుకు నడవడం లేదని తనను కాకుండా, ప్రభుత్వాన్ని నిలదీయాలని ఆమె మీడియాకు సూచించారు. "విద్యార్థుల డిమాండ్ల సంగతేంటి? వాళ్ల కోసం ఏం చేస్తున్నారు? ఇవి మీరు అడగాల్సిన ప్రశ్నలు. కేంద్ర విద్యాశాఖ మంత్రి ధర్మేంద్ర ప్రధాన్‌ను (Dharmendra Pradhan) రాజీనామా ఎప్పుడు చేస్తారని అడిగారా? అవునో కాదో (Yes or No) ఒక్క మాటలో సమాధానం చెప్పండి" అని రిపోర్టర్లను ప్రియాంక నిలదీశారు. దీనికి బదులిచ్చిన రిపోర్టర్లు.. "మేము అడిగాము మేడమ్.. పీయూష్ గోయల్ పక్కనే ఉన్నప్పుడు కూడా అడిగాము, కానీ మంత్రులు సమాధానం చెప్పడం లేదు" అని బదులిచ్చారు.

𝐏𝐫𝐢𝐲𝐚𝐧𝐤𝐚 𝐆𝐚𝐧𝐝𝐡𝐢 𝐢𝐬 𝐎𝐧 𝐅𝐢𝐫𝐞 𝐓𝐨𝐝𝐚𝐲 🔥

She has given an Absolutely Perfect Slap to the Godi Media.

Hopefully this will Hit the Right Place.#PriyankaGandhi #GodiMedia #CJPMovement #PMModi pic.twitter.com/tdVEwoBGCM

— তন্ময় l T͞anmoy l (@tanmoyofc) July 23, 2026

విద్యార్థులేమైనా ఉగ్రవాదులా? అమిత్ షాను అడగండి!

రిపోర్టర్ల సమాధానంతో మరింత ఆగ్రహానికి గురైన ప్రియాంక.. "మంత్రులు సమాధానం చెప్పడం లేదా? అయితే కేంద్ర హోం మంత్రి అమిత్ షాను (Amit Shah) అడిగారా? చిన్న పిల్లలను ఆసుపత్రుల పాలు చేసేలా లాఠీఛార్జి (Lathi-charge) ఎందుకు చేయించారని ప్రశ్నించారా? ఇంటర్నెట్ కట్ చేసి పిల్లలు తమ తల్లిదండ్రులతో కూడా మాట్లాడుకోకుండా ఎందుకు చేశారు? విద్యార్థులపై ఎన్ఎస్ఏ (NSA - జాతీయ భద్రతా చట్టం) ఎందుకు పెట్టారు? వాళ్లేమైనా ఉగ్రవాదులా (Terrorists)? ముందు వెళ్లి ప్రభుత్వాన్ని ఈ ప్రశ్నలు అడగండి.. ఆ తర్వాతే నేను మీ ప్రశ్నలకు సమాధానం చెబుతాను" అంటూ ప్రియాంక మీడియాను కడిగేశారు.

गोदी मीडिया सवाल पूछने आए थे, खुद कटघरे में खड़े हो गए,माइक थामकर एंकरिंग का नाटक करने वालों को आज शेरनी @priyankagandhi जी ने याद दिला दिया कि पत्रकारिता किसे कहते हैं।#Parliament #संसद #PriyankaGandhi #StudentsProtest #JusticeForStudents #ResignDharmendraPradhan pic.twitter.com/GEbmZGloER

— Rajan Rao (@TheRajanRao) July 23, 2026